Brigadir Jéndral

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Iconbrigjen.gif

Brigadir Jéndral (sering dicekak Brigjèn) kuwi pangkat paling cendhèk jroning tataran perwira tinggi ing sawetara negara, biasané sak tingkat sadhuwuré Kolonèl lan sak tingkat sangisoré Mayor Jéndral. Sering kadadéyan ing sawetara negara migunakaké pangkat Mayor Jéndral (kanthi bintang siji) minangka pangkat paing cendhèk banjur Lètnan Jéndral (bintang loro, Colonel General (bintang telu) lan Jènderal (bintang papat).

Asal mula migunakaké tembung Brigadir[sunting | sunting sumber]

Pangkat brigadir jéndral bisa dilacak marang asalé saka militèr ing Eropah, yakuwi Brigadir Jéndral (diprasajakaké dadi Brigadir), ngomandoni sawijining Brigade ing lapangan. Pangkat iki nyebar menyang saindhenging donya ing abad kaping 18 déning Amérika Sarékat, sarta Krajan Britania Raya.

Jroning Angkatan Laut, pangkat Brigadir Jéndral setaraf karo pangkat Commodore, senadyan ing sawetara negara dipigunakaké uga pangkat Rear Admiral.

Brigadir Jéndral ing TNI[sunting | sunting sumber]

Tandha pangkat kang dipigunakaké ing sandhangan dhines pedinan

Brigadir Jéndral kuwi pangkat paling endhèk ing tataran perwira tinggi ing TNI Angkatan Dharat, saliyané kuwi Brigadir Jéndral dianggo uga déning Korps Marinir, TNI Angkatan Laut. Kang nyandhang pangkat iki nganggo tandha pangkat kanthi bintang siji. Pangkat iki setara karo Laksamana Pertama ing lingkungan TNI Angkatan Laut (saliyané Korps Marinir) lan Marsekal Pertama ing lingkungan TNI Angkatan Udhara.

Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Brigadir_Jéndral&oldid=865022"