Mallika Sherawat

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mallika Sherawat

Mallika at ShaadiSePehle audio release function
Lair Reema Lamba
Rohtak, Haryana, India
Pakaryan Aktris
Taun aktif 2002–saiki
Website
http://www.mallikasherawatwow.com

Mallika Sherawat (मल्लिका शेरावत, jeneng lairé Reema Lamba), dhèwèké kuwi aktria lan modhèl saka India.[1] Dhèwèké kondhang dadi bintang modhèl lan uga aktris film Bollywood, ora mung kuwi, saiki Mallika olèh julukan lan dadi simbol sèx India.[1] Dhebuté dadi bintang diwiwiti liwat panampilané ing vidhéo klip Lak Tunoo, kang diarahaké déning sutradara Surjit Bindrakhia.[1] Nyusul sawisé kuwi ing taun 2003 dhèwèké mbintangi film "Khahish" lan sataun sawisé kuwi dhèwèké mbintangi film kang judhulé "Murder".[1] Liwat film kang judhulé "Murder" kuwi, dhèwèké olèh bebungah Zee Cine Awards.[1]

Kasuksèsané terus maju, dhèwèké uga olèh kasempatan mainaké peran bebarengan karo bintang Asia, yakuwi Jackie Chan, ing film "The Myth" kang dirilis ing taun 2005.[1] Liwat film kasebut, dhèwèké olèh kasempatan tampil ing Cannes Film Festival.[1] Kasempatan terus kabukak kanggo Mallika, kayata tawaran main film kang teka saka sutradara kaliber Oscar, Clint Eastwood ing film kang judhulé "Unveiled".[1]

Saiki, wanita kang tau nyambut gawé dadi kru pamaburan lan tau palakrama karo pilot kuwi lagi sibuk anggoné prodhuksi film-film, kayata ing film kang judhulé "Guru" kang dirilis ing taun 2007, "Dasavatharam" dirilis ing taun 2007, "Preeti Eke Bhoomi Melide" ing taun 2007, "Aap Ka Suroor - The Real Love Story" ing taun 2007, "Fauj Mein Mauj" ing taun 2007, "Unveiled" ing taun 2007 lan "Welcome" ing taun 2007.[1]

Ing taun 2010, dhèwèké dianggep suksès meranaké wanita ula ing film kang judhulé "Hiss". Lan kanggo luwih nyuksèsaké film kasebut, Mallika sembayang ing kuil Sree Nagaraja ing Mannarasala ing dhaérah Alappuzha. Kanggo nyuksèsaké film kasebut, dhèwèké njaluk restu marang déwa ula.[2] Film kasebut diprodhuseri déning Govind Menon, prodhuser film kasebut uga mèlu ngamping-ampingi Mallika.[2] Kuil Sree Nagaraja ing Mannarasala kalebu salah sawijining lokasi kang digunakaké kanggo film multibasa kuwi.[2]

Mennon ngomong menawa "Hiss" bakal diprodhuksi déning Split Image Pictures dirilis ing kabèh negara 2200 sinéma nalika tanggal 22 Oktober 2010.[2] Sutradarané kuwi Jennifer Lynch lan Mallika meranaké wanita satengah wong satengah ula.[2] Ing film kasebut, Malika mainaké peran bebarengan karo Irrfan Khan lan Divya Dutta.[2]

Cathetan Sikil[sunting | sunting sumber]

  1. ^ a b c d e f g h i (id)BiografiMallika Sherawat diundhuh tanggal 25 Agustus 2011
  2. ^ a b c d e f (id)berita Mallika Sherawat diundhuh tanggal 25 Agustus 2011
Sumber artikel punika saking kaca situs web: "http://jv.wikipedia.org/w/index.php?title=Mallika_Sherawat&oldid=832415"