Kembang bangah

Kembang Bangah utawa suweg raksasa
Setatus konservasi
	Status konservasi: Terancam
Klasifikasi ngèlmiah
Karajan:	Plantae
Dhivisi:	Magnoliophyta
Klas:	Liliopsida
Ordho:	Alismatales
Famili:	Araceae
Génus:	Amorphophallus
Spésies:	A. titanum
Jeneng binomial
	Amorphophallus titanum; (Becc.) Becc. ex Arcang.

Kembang bangah utawa suweg raksasa utawa pang krebuit (jeneng lokal kanggo fase vegetatif), Amorphophallus titanum Becc., ya iku tetuwuhan saka suku tales (Araceae ) endemik saka Sumatra, Indonesia tetuwuhan kang misuwur karan kembang (majemuk) gedhé dhéwé ing donya, ing sajeroning cathetan nyebutaké ing kulawargan, A.gigas (saka Sumatra) bisa ngasilaké kembang dhuwuré 5m.^[1] Jeneng kembang bangah asalé saka kembang kang ambuné utawa gandané ora énak kaya bangah, kang maksudé kanggo ngundang tawon lan laler penyerbuk kanggo kembangé. Kembang bangah uga asring kagunakaké karan jejuluk kanggo padma raksasa Rafflesia arnoldii. Ing alam tetuwuhan, kembang iki bisa urip ing tlatah/daerah alas udan teles. Kembang iki wis dadi kembang resmi kanggo Provinsi Bengkulu

Pamerian

Tetuwuhan iki duwé long 2 fase sajeroning uripé kang metu (muncul) gantian. Fase vegetatif, fase generatif lan fase generatif. Ing fase vegetatif metu godhongé lan pang. Dhuwuré bisa enem mèter (6 m). Banjur setaun, organ vegetatif iki alum (layu) lan empon utawa umbiné dorman (turu). Yèn cadhangan panganan kang ana ing empon cukup lan lingkungan saubengé njurung, kembang majemuk iki bisa urip lan ngembang manèh. Yèn cadhangan panganané kang kurang, mung bisa thukul manèh godhongé.

Kembang kang gedhé lan dhuwur iki, dhapuré kaya (lingga) kang sabeneré tongkol utawa spadix kang diubengi karo séludang kembang uga ukurané gedhè. Kembang kang omahé siji 1 lan protogini: kembang wadon kang reseptif metu luwih dhisik lan sabanjuré kembang lanang, kanggo mekanisme nyegah penyerbukan dhéwé. Ing taun 200, kembang paling dhuwur ing penangkaran ana ing Kebu Raya Bonn, Jerman kang ngasilaké kembang dhuwuré 2,74m, ing taun 2003. Ing tanggal 20 Oktober 2005, ana kembang mekar kang dhuwuré 2,91m ing Kebun Botani lan Kéwan Wilhelma Stuttgart, uga ing Jerman. Semana uga, Kebun Raya Cibodas, Indonésia ngugat amarga kembang kang mekar ing kana dhuwurwé mung 3,17m ing wayah pajar (trontong-trontong) tanggal 11 Maret 2004 ^[2]. Kembang mekar kanggo wektu watara seminggu (1 minggu), kembang kang luwih seminggu banjur alum. Bisa uga ana woh-wohané kang wernané abang.

Liya-liya

Kembang bangah uga ana ing saubengé donya kang ana ing kebun botani lan penangkaran-penangkaran jinisé, Ing Amérika kembang kang ana dijenengi kang unik lan bisa narik wong kang arep dheleng. Lucuné wong kang teka lan dheleng kembang kang mekar, seneng karo ambuné kang badheg.