Jorge Rafael Videla

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jorge Rafael Videla
Jorge Videla

Mangsa jabatan
29 Maret 1976 – 29 Maret 1981
Pejabat sadurungé Isabel Perón
Pengganti Roberto Viola

Lair 21 Agustus 1925 (umur 88)
Mercedes, Buenos Aires
Kabangsan Argentina
Profèsi Militer

Jorge Rafael Videla Redondo (miyos 21 Agustus 1925 wonten ing Mercedes, Buenos Aires)[1] inggih punika Presiden Argentina kanthi de facto wonten ing periode 1976-1981. Piyambakipun pikantuk kekuwaosan lumantar sawijining kudeta saking Isabel Martínez de Perón ingkang wekdal punika njabat minangka presiden. Piyambakipun minangka bekas tentara lan politikus. Piyambakipun dipunparingi gelar "the bone" (balung) sebab badanipun ingkang alit kados balung kèmawon. Jaman pamarèntahnipun minangka titik wiwitaning "Perang Kotor" inggih punika era paling kajem wonten ing sajarah Argentina. Anangin piyambakipun kondhang wonten ing Amerika Selatanminangka pakarwonten ing strategi anti-komunisme antarbangsa lan pikantuk pujian saking politikus ingkang haluan tengen Amerika Serikat,kalebet Ronald Reagan.

Sajarah awal[sunting | sunting sumber]

Videla bangkit nalika kahanan ekonomi lan politik wonten ing Argentina boten stabil rikala wiwitan dumugi sadengahing taun 1970-an. Wonten ing taun 1973 Perón sampun dados panguwasa malih ing negara punika, ananging kanthi yuswa ingkang sampun sepuh, piyambakipun boten saged ngèwahi kahananing negara. Setunggal taun candhakipun, piyambakipun sèda lan jabatanipun dipunsandhang dèning garwanipun Isabel Perón, bekas penari klab dalu ingkang boten kagungan pengalaman wonten ing bidang politik. Wonten ing usahanipun kanggé pikantuk sokongan saking tentara, Isabel sampun nglantik Videla minangka Panglima Teringgi, jabatan paling inggil wonten ing angkatan tentara Argentina. Tindakan punika kados nedhi dhiri pribadi amargi piyambakiipun nglancaraken parebutan kakuwasan lan sukses ndhawahaken pamarentahan Perón nalika tanggal 24 Maret 1976, lan dados presiden de facto minangka ketua junta militer lan sekutunan wonten ing kakuwasan kaliyan Komandan Jenderal Angkatan Udhara inggih punika Orlando Ramón Agosti lan LetKol Angkatan Laut, Laksamana Eduardo Emilio Massera. Sawetawis dinten candhakipun, nalika tanggal 29 Maret 1976, Videla kanthi resmi dados Presiden Argentina, jabatan ingkang dipunsandang dumugi 29] Maret 1981.

Proses Pangresikan Kelompok ingkang haluan Kiwa[sunting | sunting sumber]

Nembe kemawon dados Presiden, piyambakipun mbubaraken Kongres lan maringi kuasa perancangan undang-undang dhumateng sawijining komisi militer ingkang kasungsun saking 9 tiyang. Kejawi punika, Videla matesi peranan mahkamah, partai-partai politik, lan serikat pekerja lan ngebaki jabatan-jabatan wigati pamarentahan kanthi tokoh militer. Wonten ing wekdal setunggal minggu, piyambakipun nahan atusan rakyat ingkang dipunprakirakaken haluan kiwa lan punika kalajengaken sadanguning pamarentahanipun. Para tahanan punika sampun dipunparingi julukan "desaparecidos" lan dipundugi antawis 10.000 lan 30.000 rakyat negara punika sampun ical kanthi misterius nalika pamarentahanipun.[2]

Ewadene mekaten, piyambakipun minangka tonggak utama wonten ing mbendung pawiyatan Marxisme wonten ing Argentina. Videla kondhang minangka satunggaling tiyang ingkang handal babagan strategi anti-komunisme antarabangsa. Ewadene piyambakipun dipunkecam dening Jimmy Carter amargi nglanggar hak asasi manusia, sejen kaliyan Ronald Reagan ingkang panci anti-komunisme. Reagan boten namung muji Videla, malah ugi maringi pambiyantu perisikan sarta militer dhateng Videla. Piyambakipun minangka tiyang utama wonten ing usaha mbendung komunisme lan kagayut wonten ing Operasi Condor, sawijining gerakan rajapejah lan pangumpulan perisikan nentang kekerasan, ingkang nggayutaken anggota keamanan Argentina, Bolivia, Brasil, Chili, Paraguay, lan Uruguay wonten ing pertengahan taun 1970-an, ing pundi kathah tiyang ingkang dipunsiksa, ical lan dipuntumpes tanpa dipunadili.[3]

Cathetan Suku[sunting | sunting sumber]


Sing mengku  sadurungé:
Isabel Perón
Presiden Argentina
1976–1981
Diganti déning:
Roberto Viola