John James Audubon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
John James Audubon

John James Audubon yaiku tokoh pelopor pelestarian lingkungan.[1] John James Audubon lair ing Haiti taun 1795.[1] Dheweke dikenal minangka tokoh kang seneng karo kewan.[1] Dheweke uga dikenal minangka penjelajah alas.[1] Nalika umur 18 taun, Audubon manggon ana ing Prancis.[1] Banjur dheweke ngalih ana ing Amerika saperlu nglungani program wajib militer kang diprintahake dening Napoleon Bonaparte.[1] Bapake Audubon yaiku sawijining ndara perkebunan kang sugih lan kapten kapal armada. [1]Nalika isih cilik, dheweke dikenalake babagan perkebunan dening bapake.[1] Mula nalika manggon ana ing Amerika, dheweke tuku perkebunan ing Norriston, Pennsylvania.[1] Nanging usahane mau gagal amarga dheweke kurang merhatekake ngrembakane perkebunane mau. [1]Dheweke malah kerep njlajah alas ketimbang ngurus perkebunan. [1]

Aududon kawin karo anake ndara perkebunan. [2]Sawise kawin, dheweke manggon ana ing Kentucky lan ngedegake perusahaan. [2]Nanging, perusahaane mau uga ngalami kegagalan kanthi alesan kang padha yaiku kurang ngurus perkebunan.[2] Audubon pancen seneng banget njajahi alas lan kewan.[2] Dheweke ora mung njajah alas nanging uga ngemati, neliti, nyatet lan nglukis panguripane kewan.[2] Audubon tau njlajahi kali Ohio lan Missisipi nganti pirang-pirang sasi.[2] Dheweke kasil anggone ngrekam pirang-pirang kewan lumantar lukisan.[2] Lukisan mau dipamerake ing Liverpool lan Manchester.[2]

Cathetan suku[sunting | sunting sumber]

  1. ^ a b c d e f g h i j k (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 163]
  2. ^ a b c d e f g h (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 164]
Sumber artikel punika saking kaca situs web: "http://jv.wikipedia.org/w/index.php?title=John_James_Audubon&oldid=830378"