John Cale

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
John Cale

John Cale mainake viola elektrik ing sawijining konser ing Belgia, 2006
Latar wuri
Jeneng John Davies Cale[1]
Génré Art rock, klasik, musik dron, rok eskperimen, folk rock, protopunk, spoken
Pegawéyan Musikus, komponis, penyanyi lan penulis lagu, produser rekaman, visual artist
Instrumèn Vokal, viola, biola, gitar, bas, Organ, piano, harpsikord, Kibor, harmonika, cello, double bass, saksofon, mellotron, celesta, lan liyane
Taun aktif 1965–sekarang
Label SPY, Ze, Island, Reprise, Beserkley, A&M, Rhino, Domino, Double Six
Magepokan karo Theater of Eternal Music, The Velvet Underground, John Cage, Phil Manzanera, Nico, Lou Reed, Brian Eno, Kevin Ayers, Nick Drake

John Davies Cale, OBE (lahir 9 Maret 1942) yaiku sawijining musikus, komponis, penyanyi lan pengarang lagu Wales lan produser rekaman kang uga sawijining anggota pangadeg band rok eksperimen The Velvet Underground. Senajan dheweke paling dikenal lumantar karyane sajroning musik rok, Cale mainake pirang-pirang jinis musik, kalebu drone lan klasik. Wiwit pisahan karo Velvet Underground ing taun 1968, dheweke wis nerbitake udakara 30 album. Saka karya solone, Cale paling kondhang kanthi albume Paris 1919, lan kanggo versine kanggo lagu Leonard Cohen, "Hallelujah", ditambah karo trilogi albume ing pertengahan 1970-an kang diterbitake dening Island Records: Fear, Slow Dazzle, lan Helen of Troy.

Cale wis mroduksi utawa nyambut gawe bebarengan karo Lou Reed, Nico, La Monte Young, John Cage, Terry Riley, Hector Zazou, Cranes, Nick Drake, Mike Heron, Kevin Ayers, Brian Eno, Patti Smith, The Stooges, The Modern Lovers, Art Bergmann, Manic Street Preachers dan penyanyi utama James Dean Bradfield, Marc Almond, Element of Crime, Squeeze, Happy Mondays, LCD Soundsystem, The Replacements, lan Siouxsie and the Banshees.

Cale entuk kaurmatan jroning Rock and Roll Hall of Fame minangka anggota Velvet Underground taun 1996.

Mangsa cilik lan karier[sunting | sunting sumber]

John Cale dilairake tanggal 9 Maret 1942 ing Garnant ing dhaerah industri Lembah Amman ing Wales saka pasangan Will Cale lan Margaret Davies.[2] Ibune yaiku sawijining guru SD lan bapake yaiku sawijining buruh tambang.[2] Senajan Will mung bisa basa Inggris, Margaret nggedekake John mung kanthi mawa basa Wales.[2] Amarga ora bisa nggunakake basa kang padha karo bapake, John wis mesthi ngalami alangan jroning sesambungane karo bapake.[2] John pungkasane sinau basa Inggris kira-kira ing umur tujuh taun ing SD.[2] Cale ngalami pelecehan dening wong lanang diwasa ing mangsa kanak-kanake;[2][3] Salah sawijining wong mau yaiku pendeta Anglikan lan prastawa iki kedadeyan ing sawijining gereja.[2][3]

Sawise nemokake bakate main viola, dheweke sinau musik ing Goldsmiths College, Universitas London. Ing kono dheweke nganakake konser Fluxus kang wiwitan, A Little Festival of New Music, 6 Juli 1963. Dheweke uga nyumbangake film pendek Police Car lan loro karyane diterbitake jroning Fluxus Preview Review, ing Juli 1963, kang nglairake musik kolektif garda ngarep.[4] Dheweke dadi dirigen ing pertunjukan pisanan Konser Cage bageyan Piano lan Orkestra ing Inggris kanthi komponis lan pianis Michael Garrett minangka solois. Wiwit enom dheweke ngrasakake cedhak karo Amerika Serikat lan musik rok, lan candhake dheweke lunga menyang Amerika saperlu nerusake pendidikan musike, kanthi bantuan lan pengaruh saka Aaron Copland.

Satekane ing New York City, dheweke ketemu karo saperangan komponis kang duweni pengaruh. Tanggal 9 September 1963, bebarengan karo John Cage lan saperangan wong liyane, Cale melu sajroning permainan piano maraton kang suwene 18 jam kang minangka pertunjukan lengkap pisanan lumantar karya Erik Satie, "Vexations". Sawise pertunjukan mau, Cale ana ing sawijining pertunjukan panel televisi I've Got a Secret. Rahasia Cale yaiku dheweke tau main ing sawijining konser kang suwene 18 jam, lan dheweke didampingi dening sawijining wong kang rahasiane yaiku dheweke siji-sijine penonton kang betah deleng pertunjukan nganti bubar.[5]

Cale uga main sajroning La Monte Young lan ansambel Tony Conrad, Theater of Eternal Music uga dikenal minangka Dream Syndicate (aja dibandingake karo band kang jenenge padha ing taun 1980-an). Musik kang kebak drone kang dimainake ing kono yaiku kabukti minangka pengaruh gedhe sajroning karyane karo klompoke yaiku, the Velvet Underground. Salah sawijining wong kang nyambut gawe bebarengan karo dheweke sajroning rekaman-rekaman iki yaiku pemain gitar Velvet Underground Sterling Morrison. Telung album saka karya eksperimen wiwitane saka periode iki diterbitake taun 2001.

The Velvet Underground[sunting | sunting sumber]

Artikel utama: The Velvet Underground

Ing wiwitan 1965, dheweke melu ngadegake The Velvet Underground bareng karo Lou Reed, kanthi ngrekrut kanca Reed ing Pawiyatan Luhur, Sterling Morrison lan kanca seapartemen Cale Angus Maclise kanggo nggenepi barisan pisanane. Cale ninggalake band iki ing September 1968, saperangan amarga ora selaras kreatife karo Reed.

Catatan kaki[sunting | sunting sumber]

  1. ^ Cithakan:Allmusic
  2. ^ a b c d e f g Mitchell, Tim Sedition and Alchemy : A Biography of John Cale, 2003, pp. 24
  3. ^ a b MarkMordue.com page: "Cold, Black Style: The John Cale Interview."
  4. ^ Fluxus Codex, Jon Hendricks, Harry N Abrams 1988 p221
  5. ^ YouTube: John Cale on I've Got a Secret.
Sumber artikel punika saking kaca situs web: "http://jv.wikipedia.org/w/index.php?title=John_Cale&oldid=861959"