Isaias Afewerki

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Isaias Afewerki
Isaias Afewerki

Mangsa jabatan
24 Mei 1993 – saiki
Pengganti sedang menjabat

Lair 2 Februari 1946 (umur 68)
Asmara, Central Region
Partai pulitik FRDK
Pasangan Saba Haile
Tapak asma Isaias Afewerki's signature

Isaias Afewerki (Ge'ez: ኢሳይያስ ኣፈወርቂ) (lair 2 Februari 1946; umur 68 taun) iku pejabat pisanan PresidenEritrea nganti tekan saiki.[1][2] Isaias Afewerki dilairkan ana ing kaluwarga Eritrea kang misuwur yaiku saka wong tuwa kang kebangsawanane Hamasien.[1] Dheweke yaiku ponakan saka Dejazmatch Solomon, kang dadi administratur provinsi Wollo kanggo Putra Mahkota Ethiopia Asfaw Wossen.[1] Isaias yaiku anggota saka salah sisji keluarga Eritrea kang duwe pengaruh ana ing jaman pamrentahan Kaisar Haile Selassie saka Ethiopia.[1] Dheweke dadi mahasiswa teknik ana ing Addis Ababa (ibu kota Ethiopia), nanging metu kanggo gabung karo pasukan perjuangan kemerdekaan Eritrea nalika pertengahan 1960-an sawise federasi Eritrea karo Ethiopia dibubarake.[1] Dheweke aktif ana ing Front Pembebasan Eritrea (FPE) nalika taun 1966, banjur nalika taun 1987 dadi sekretaris jenderal Front Pembebasan Rakyat Eritrea (FPRE), kang wiwitane cabang saka FPE, nanging nalika kuwi dadi kelompok perlawanan kang dominan ana ing Eritrea.[2] Isaias Afewerki diakoni dadi perancang strategi kang ana ing pungkasane dimungkinake FPRE ngalahake lan mbusak FPE dadi gerakan pembebasan kang utama ing Eritrea, sawetara nalika kuwi kang pada ningkatake efektivitas kelompoke kanggo nglawan pasukan-pasukan Kaisar Haile Selassie lan rezim Derg Ethiopia.[1] Bareng karo Meles Zenawi saka Front Pembebasan Rakyat Tigrea, dheweke nganakake aliansi kang padha nguntugake kang pungkasane bisa ngawa kekaron gerakan mau meyang Addis Ababa kang tujuwane kanggo nggulingake rezim Derg nalika taun 1991 lan bisa merdeka mawa referendum taun 1993.[2] Sawise kemerdekaan Eritrea taun 1993, dheweke dadi presiden kang pisanan, ana ing ngisore FPRE kang wis ditata meneh, lan saki jenenge dadi Front Rakyat kanggo Demokrasi lan Keadilan.[1] Nanging persahabatane kang ndhisik akrab karo pamrentah Ethiopia saiki ilang kang ndadekake pertikaian perbatasan lan ekonomi kang maleh dadi perang wewatesan kang dawa karo Ethiopia nalika 1998 - 2000.[1] Konflik senjata karo Ethiopia iki ngakibatake matine warga kang cacahe luwih saka 70.000 wong saka pihak kekaron lan bisa mandeg sakwise penandatanganan Persetujuan Algiers nalika 12 Desember 2000.[1]

Cathetan Suku[sunting | sunting sumber]

  1. ^ a b c d e f g h i (en)www.madote.com
  2. ^ a b c (en)news.bbc.co.uk
Sumber artikel punika saking kaca situs web: "http://jv.wikipedia.org/w/index.php?title=Isaias_Afewerki&oldid=880718"