Ilham Aliyev

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ilham Heydar oglu Aliyev
İlham Heydər oğlu Əliyev
Ilham Aliyev

Mangsa jabatan
31 Oktober 2003 – Sakmenika
Perdhana Mentri Artur Rasizade
Pejabat sadurungé Heydar Aliyev
Pengganti Sedang Menjabat

Mangsa jabatan
4 Agustus 2003 – 4 November 2003
Pejabat sadurungé Artur Rasizade
Pengganti Artur Rasizade

Lair 24 Desember 1961 (umur 52)
Baku, RSS Azerbaijan, Uni Soviet (kini Azerbaijan)
Kabangsan Azerbaijan
Partai pulitik Partai Azerbaijan Baru
Pasangan Mehriban Pashayeva
Agama Islam Syiah

Ilham Heydar oglu Aliyev (basa Azerbaijan: İlham Heydər oğlu Əliyev) (lair 24 Desember 1961; umur 52 taun) inggih punika Presiden Azerbaijan[1] sakmenika. Piyambakipun ugi minangka ketua saking Partai Azerbaijan Baru utawi Yeni Azərbaycan Partiyası.[2]

Biografi[sunting | sunting sumber]

Piyambakipun miyos rikala tanggal 24 Desember 1961 wonten ing Baku ing sadengahing kulawarga ingkang kagungan keistimewaan gesang. Periode 1967-1977, piyambakipun pikantuk pendidikan sekolah lan mlebet Universitas Negeri Moskow wonten ing Hubungan Internasional (MSUIR) rikala taun 1977. Sasampunipun lulus rikala taun 1982, piyambakipun nglajengaken pendidikan pasca-sarjananipun wonten ing MSUIR lan mucal ing mrika sadangunipun 5 taun. Piyambakipun mungkasaken risètipun lan pikantuk gelar Ph.D. wonten ing ilmu politik lan sajarah wonten ing 1985.[3]

Periode 1985-1990, piyambakipun dados lektor Universitas Negara Moskwa ing bidang Hubungan Internasional lan mimpin kelompok parusahan swasta industri-perdagangan ing periode 1991-1994. Taun 1991, piyambakipun nilaraken profesi mucal. Miturut biografinipun, piyambakipun kagayut pawiyatan bisnis wonten ing Moskwa lan Istanbul. Boten kathah ingkang dipunmangertosi babagan pawiyatan bisnisipun, ananging wonten ing periode punika piyambakipun dipunkenal minangka satunggaling "playboy". Isu-isu ingkang sumebar, piyambakipun asring ngunjungi kasino lan asring kagayut kaliyan utang ingkang ageng wonten ing judi, ananging slamet amargi kakuwasan bapakipun. Sikap lan karakteripun saèstu benten kaliyan bapakipun.

Taun 1994, piyambakipun wiwit èwah lan dipunangkat minangka Wakil Presiden lajeng dados wakil pimpinan kapisanan Parusahan Minyak Negara Republik Azerbaijan (SOCAR) wonten ing periode 1994-2003. Kanthi aktif piyambakipun kagayut wonten ing palaksanan "strategi minyak Heydar Aliyev". Kaping kalih kapilih wonten ing Milli Majelis (Parlemen) rikala taun 1995 lan 2000.

Wiwit taun 1997, piyambakipun minangka pamimpin Komite Olimpiade Nasional Azerbaijan minangka sumbangan agengipun wonten ing pangembangan olahraga lan olimpiade, saéngga piyambakipun pantes pikantuk bebungah medali paling inggil saking Komite Olimpiade Internasional. amargi kasarasan Presiden Heydar Aliyev (bapakipun) samsaya mandhap, lajeng piyambakipun ngrantam penciptaan sawijining dinasti politik. Ilham lajeng èwah dados politisi éwadéné kathah tiyang ingkang boten pitados.

Poster-poster tunggal bapakipun kagantos kaliyan poster ingkang nedahaken pasuryan bapak lan putra wonten ing kutha-kutha lan desa-desa. Wonten ing pertarungan posisinipun minnagka politisi, piyambakipun ndhèrèk kampanye babagan pamilihan anggota parlemen taun 1999. Piyambakipun gagal nedahaken kamampuanipun. Partai Azerbaijan Baru (Yeni Azərbaycan Partiyası/YAP) menang kanthi gampil, ananging punika minangka akibat pangètangan swanten ingkang dipunrekayasa.

Piyambakipun lajeng kapilih minangka Wakil Ketua Partai Azerbaijan Baru ingkang saweg kuwasa. Piyambakipun makili bapakipun wonten ing saben pepanggihan kaliyan pejabat asing ingkang rawuh lan mbikak pusat olahraga kaliber olimpiade ènggal wonten ing Azerbaijan kanggè nyengkuyung posisinipun minangka politikus.

Taun 1999, piyambakipun dipunangkat minangka deputi lan deputi pisanan partai ingkang kuwasa Partai Azerbaijan Baru rikala taun 2001. Periode 2001-2003, piyambakipun njabat minangka ketua delegasi parlemen Azerbaijan wonten ing Majelis Parlemen Dewan Eropa (PACE) lan dipunangkat minangka Ketua Deputi Majelis Parlemen Dewan Eropa lan anggota kantor PACE rikala Januari 2003. Taun 2003 kasebut, piyambakipun mandhegaken kegiyatanipun minangka anggota parlemen amargi dipunangkat minangka Perdana Menteri tanggal 4 Agustus 2003.

Cathetan Suku[sunting | sunting sumber]



Jabatan pulitik
Sing mengku  sadurungé:
Artur Rasizade
Perdana Menteri Azerbaijan
2003
Diganti déning:
Artur Rasizade
Sing mengku  sadurungé:
Heydar Aliyev
Presiden Azerbaijan
2003 – Sekarang
Diganti déning:
Sedang Menjabat



Cithakan:Perdana Menteri Azerbaijan

Sumber artikel punika saking kaca situs web: "http://jv.wikipedia.org/w/index.php?title=Ilham_Aliyev&oldid=865589"