George Gershwin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
George Gershwin

Foto tahun 1937
Latar wuri
Jeneng Jacob Gershowitz
Asal Cithakan:Bendera as New York City,
New York
Died 11 Juli 1937
Hollywood, California
Génré Teater Broadway, musikal, musik klasik
Pegawéyan Komponis

George Gershwin (lair 26 September 1898 – tilar donya 11 Juli 1937 kanthi umur38 taun)[1] inggih punika komponis lan penulis lagu asal Amerika Serikat. Sapèrangan ageng saking sedaya karyanipun dipundamel sesarengan kaliyan kangmasipun, panulis lirik Ira Gershwin. George Gershwin nyerat karya musik kanggè teater Broadway lan gedung konser musik klasik ing Eropa, lan ugi sukses minangka panulis lagu pop.

Karya musik Gershwin asring dipunginakaken minangka musik latar film layar lebar lan serial drama televisi. Kejawi punika, saperangan lagu ciptaan Gershwin dados lagu jazz standar. Penyanyi jazz Ella Fitzgerald kaliyan penulis aransemen Nelson Riddle ngrekam sajumlah lagu ciptaan Gershwin ingkang dipunkemas ing salebeting album Gershwin Songbook (1959). Kejawi punika, taksih kathah musisi lan penyanyi sanès ingkang ngrekam karya-karya Gershwin, antawisipun: John Coltrane, Frank Sinatra, Billie Holiday, Miles Davis, Herbie Hancock, Judy Garland, Nina Simone, John Fahey, lan Sting.

Biografi[sunting | sunting sumber]

George Gershwin miyos minangka Jacob Gershowitz wonten ing Brooklyn, New York. Tiyang sepuhipun inggih punika imigran keturunan Yahudi saking Rusia. Bapakipun, Morris (Moishe) Gershowitz asalipun saking St. Petersburg, Rusia. Sasampunipun dumunung wonten ing Amerika Serikat, bapakipun nggantos nama kulawarganipun dados Gershwin. Morris Gershwin palakrama kaliyan imigran asal Rusia, Rosa Bruskin ingkang miyosaken George.

Wonten ing taun 1916, Gershwin wiwit kerja kanggè parusahan Aeolian lan Standard Music Rolls. Pedamelanipun ngrekam lan nyerat aransemen kanggè piano roll. Nalika kerja kangge kekalih parusahan kasebut, piyambakipun ngasilaken lusinan utawi malah atusan piano roll kanthi migunakekn nama asli utawi nama samaran (antawisipun Fred Murtha utawi Bert Wynn). Gershwin ugi ngrekam piano roll ingkang ngemu lagu ciptaanipun nalika kerja kangge Welte-Mignon. Parusahan kasebut kerja adhedhasar pesanan saking M. Welte & Sons, Inc. ingkang minangka pancipta lan produsen pisanan pianola. Kejawi kerja ngrekam piano roll, Gershwin nate tampil minangka pemain piano ing panggung vaudeville ngiringi Nora Bayes lan Louise Dresser.[2]


Wonten ing taun 1924, George lan Ira sesarengan nyerat komedi musikal Lady Be Good. Lagu-lagu saking komedi musikal punika samangke kathah ingkang dados lagu jazz standar, kados "Fascinating Rhythm" lan "The Man I Love". Taksih wonten ing taun ingkang sami, Gershwin nyerat komposisi musik klasikipun ingkang pisanan, Rhapsody in Blue kangge piano lan orkestra. Aransemen dipunserat dening Ferde Grofé, dene pertunjukan perdana dipunsamektakaken band Paul Whiteman asal New York. Lagu Rhapsody in Blue samangke dados lagu ciptaan Gershwin ingkang paling kondhang ing jagad.[3]

Karya George lan Ira salajengipun inggih punika musikal kanthi judul Oh, Kay! (1926), Funny Face (1927), Strike Up the Band (1927 & 1930), lan Girl Crazy (1930) ingkang ngemu lagu kondhang "I Got Rhythm" lan Of Thee I Sing (1931). Komedi musikal Girl Crazy inggih punika komedi musikal pisanan ingkang pikantuk Penghargaan Pulitzer. Lagu "I Got Rhythm" dados lagu jazz standar, dene progresi kord wonten ing lagu punika kagungan angaruh ageng wonten ing perkembangan musik jazz. Ewahaning kord kados ingkang wonten "I Got Rhythm" dipunsebut "rhythm changes" lan asring dipunsebut-sebut wonten ing literatur jazz.

Ing wiwitan taun 1937, Gershwin wiwit rumaos asring sakit mustakanipun saengga ngantos boten saged ningali, lan ngraos piyambakipun asring nggandha karet kobong. Tanpa wonten ingkang mangertosi, tumor ganas ing otak Gershwin sasmsaya parah. Gershwin dhawah nalika saweg nindakaken ilustrasi musik kangge film The Goldwyn Follies ing Hollywood. Usaha nylametaken kanthi operasi siya-siya, Gershwin tilar donya 11 Juli]] 1937 wonten ing yuswa 38 taun.

Komposisi[sunting | sunting sumber]

Klasik


Cathetan Suku[sunting | sunting sumber]

  1. ^ http://www.biography.com/people/george-gershwin-9309643
  2. ^ Slide, Anthony. The Encyclopedia of Vaudeville. Westport, Connecticut, Greenwood Press, 1994. p. 111.
  3. ^ http://www.gershwin.com/
  • Hyland, William G. George Gershwin : A New Biography Praeger Publishers (2003) ISBN 0-275-98111-8
  • Mawer, Deborah (Editor). Cross, Jonathan (Series Editor). The Cambridge Companion to Ravel (Cambridge Companions to Music) Cambridge University Press (2000) ISBN 0-521-64856-4
  • Pollack, Howard George Gershwin. His Life and Work University of California Press, 2006, ISBN-13 978-0-520-24864-9
  • Jablonski, Edward Gershwin Doubleday (1987) ISBN 0-385-19431-5
  • Rimler, Walter A Gershwin Companion Popular Culture (1991) ISBN 1-56075-019-7

Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:

Sumber artikel punika saking kaca situs web: "http://jv.wikipedia.org/w/index.php?title=George_Gershwin&oldid=836931"