Drembombok
| Drembombok | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Aves |
| Ordho: | Gruiformes |
| Famili: | Rallidae |
| Génus: | Amaurornis |
| Spésies: | A. phoenicurus |
| Jeneng binomial | |
| Amaurornis phoenicurus Pennant, 1769 | |
| |
| Pasebarané manuk drembombok | |
| Sinonim | |
|
Erythra phoenicura | |
Drembombok, derbombok, utawa sribombok (Amaurornis phoenicurus) iku manuk sing kalebu famili Rallidae[1][2]. Sebarané nglimputi Indhia, Cina iring kidul, Filipin, lan Indonésia.
Manuk iki lumrahé manggon ing banarawa, sawah, lan pacerèn[3][4][5]. Biyèn manuk iki akèh tinemu, nanging saiki wis arang amarga padha dibedhag. Saliyané kuwi, sudané manuk iki uga amarga akèh sawah sing migunakaké pèstisidhah kimiyah sing njalari regedé panganané, ya iku wijèn, cacing, kéwan gegremetan, lan kéyong cilik.
Manuk iki gedhéné sedhengan lan bisa katitik saka warna elaré sing ireng lan putih. Lumrahé manuk drembombok urip ijèn, sanajan kadhang uga tinemu cacah loro utawa telu. Senengané ndelik ana sesuketan rawa lan njedhul nalika golèk pangan kaya déné manuk pitikan. Sanajan ora bisa mabur dhuwur, drembombok seneng ménclok ana ing glagah lan wit-witan cilik ing banarawa.
Susuhé lumrah mapan ing tengahé banarawa, lan cacahé endhogé 6-7, kang diangkremi déning manuk lanang lan wadon (uga tekané momong anak) lan banjur netes sawisé udakara 19 dina.
Rujukan
[besut | besut sumber]- ↑ BirdLife International (2012). "Amaurornis phoenicurus". IUCN Red List of Threatened Species. Version 2013.2. International Union for Conservation of Nature. Dibukak ing 26 Novèmber 2013.
{{cite web}}: CS1 maint: uses authors parameter (link) - ↑ "Kareo padi". Bawor. Diarsip saka sing asli ing 2 May 2014. Dibukak ing 30 April 2013.
- ↑ Holmes, Derek (1999). Burung-burung di Jawa dan Bali. Dipertal déning Adisoemarto, Soenarto. Jakarta: Puslitbang Biologi-LIPI. kc. 17.
- ↑ "Sensus Burung". Satu Harapan. Dibukak ing 2014-05-15.
- ↑ "Fauna Bukit Baka Bukit Raya Kalimantan Barat". Akademia. Dibukak ing 2014-05-15.