Christiaan Snouck Hurgronje

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Snouck Hurgronje

Snouk Hurgronje utawa Christiaan Snouck Hurgronje (1857-1936) lair tanggal 8 Februari 1857 ing Tholen, Oosterhout, Walanda. Kaya bapak, embah, lan embah buyuté sing betah dadi pendita Protèstan, Snouck uga wiwit cilik wis diarahaké ing babagan teologi. Tamat sekolah menengah, dhèwké nerusaké menyang Universitas Leiden njupuk mata kuliah Ilmu Teologi lan Sastra Arab, 1875. Limang taun sabanjuré, dhèwèké tamat kanthi predikat cum laude kanthi disertasi Het Mekaansche Feest (Pahargyan ing Mekkah). Ora cukup marem marang kaprigelan basa Arabé, Snouck banjur nerusaké sinau menyang Mekkah, 1884. Ing Mekkah, grapyak lan naluri intelektualéa agawé para ulama ora wegah mbimbing. Lan kanggo milut atiné ulama Mekkah, Snouck mlebu agama Islam lan ganti jeneng dadi Abdul Ghaffar.

Nanging,patemon Snouck karo Habib Abdurrachman Az-Zahir (keturunan Arab sing naté dadi wakil pamaréntah Acèh, banjur "dituku" Walanda lan dikirim nang Mekkah) ngowahi kekarepané. Kanthi pambiyantuZahir lan konsul Walanda ing Jeddah JA Kruyt, dhèwèké wiwit sinau politik kolonial lan ngupaya supaya bisa menang yuda ing Acèh. Éman, iguh-pratikelé Zahir ora ditanggepi Gubernur Walanda in Nusantara. Amarga gela, kabèh panalitèn Zahir iku kapasrahaké marang Snouck sing nalika iku, 1886, dadi dosèn ing Leiden.