Chang Myon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Chang Myon
장면
Chang Myon

Mangsa jabatan
15 Mei 1956 – 23 April 1960
Pejabat sadurungé Ham Tae-young
Pengganti Lee Ki-bung

Lair 28 Agustus 1899
Incheon, Koréa
Tilar donya 4 Juni 1966 (umur 66)
Kabangsan Korea
Partai pulitik Demokrat
Pasangan Kim Ok-yun

Chang Myon (lahir 28 Agustus 1899 – tilar donya 4 Juni 1966).[1] Chang Myon iku salah sijiné pulitisi lan perdhana mentri kang kaping loro ing Républik Koréa Kidul sasuwéné Républik Kaloro.[1]

Chang Myon lair ing Incheon nalika taun 1899.[1] Chang Myon lulus saka Sekolah Menengah Atas nalika taun 1917 ing kutha Suwon lan mèlu pendhidhikan Basa Inggris ing YMCA Seoul nganti tekan taun 1919.[1] Chang lunga menyang Amérika Sarékat kanggo sinau ing Manhattan College, New York.[2] Chang Myon nduwé jeneng kulon yaiku John M.Chang.[2] Chang Myon lulus nalika taun 1925 lan sawisé iku banjur bali menyang Koréa.[2]

Ing Koréa, Chang Myon manggon ing Pyongyang lan mèlu kagiyatan ing gréja Katulik.[2] Nalika taun 1931, Chang Myon njabat dadi kepala sekolah lan terus mulang nganti pungkasané Perang Donya II.[2]

Sawisé Perang Koréa, pamaréntahan militèr Amérika Sarékat ing Koréa banjur luru wong-wong kang nduwèni bakat kang bisa nyekel pamaréntahan.[2] Nalika taun 1946, Chang Myon dipilih ing Dewan Legislatif Sauntara kang digawé déning militèr Amérika Sarékat kanggo miwiti pamaréntahan ing Koréa.[2]

Ing taun-taun pungkasan uripé, Chang Myon banjur nduwèni penyakit radhang ati lan diopname ing rumah sakit ing Seoul.[1] Pungkasané nalika Juni 1966, Chang Myon banjur séda ing omahé ing kawasan Myeongnyun-dong, Seoul.[1] Chang Myin dikubur ing pasaréyan Katulik ing Kabupatèn Pocheon, kang manggon kurang saka 50 km ing bagéyan lor Seoul.[1]

Cathetan sikil[sunting | sunting sumber]

  1. ^ a b c d e f g (en)trueknowledge.com(diundhuh tanggal 16 Agustus 2011)
  2. ^ a b c d e f g (en)mongabay.com(diundhuh tanggal 16 Agustus 2011)

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Chang_Myon&oldid=832018"