Capelin
| Capelin | |
|---|---|
 |
|
| Klasifikasi èlmiah | |
| krajan: | Animalia |
| filum: | Chordata |
| kelas: | Actinopterygii |
| ordo: | Osmeriformes |
| kulawarga: | Osmeridae |
| Genus: | Mallotus |
| Species: | M. villosus |
| Jeneng binomial | |
| Mallotus villosus Müller, 1776 |
|
Capelin (Mallotus villosus) yaiku jinis iwak mambu kang asale saka kulawarga Osmeridae (biyasane sinebut iwak ndas watu).[1] Capelin tau dadi panganan pokok ing Atlantik Utara.[1] Nalika populasi ikan capelin kalong, pcacahing pendhudhuk ing panggonan kuwi sansaya mudun.[1] Capelin duweni lambe gedhe kanthi rahang ngisor kang amba ing ngisor mata.[2] Capelin lanang duweni awak gedhe tinimbang capelin wadon. Capelin lanang uga duweni sirip ing silit kanthi bentuk cembung.[2]
Bab lan Paragraf |
[sunting] Habitat
Umume, Capelin ngelangi cedhake lumahing banyon kang jerune ngant 200 m lan nglangi bebarengan kanthi cacah akeh.[3] Capelin urip ing laut lepas. Capelin ditemokake ing pirang-pirang panggonan banyon ing donya, yaiku:[3]
- Atlantik Utara, kususnya sadahaning Laut Barents nganti Pulo Beard.
- Laut White lan Laut Norwegian.
- Lepas pante Greendland.
- Teluk Hudson nganti tekan Teluk Maine.
- Ing bageyan Pasifik Lor, Capelin nglangi saka Korea tekan Selat Juan de Fuca lumantar Pulo Vancouver, Kanada, lan Washington.
[sunting] Werna lan ukuran
Capelin wernane ijo semrawang, kaya sirahe zaitun, nanging sisi-sisine wernane radha perak, lan wetenge wernane putih.[2] Umume capelin dawane sekitar 6,5-7,5 inci, senajan ana uga kang dawane 9 inci.[2]
[sunting] Kawinan
Capelin nglakoni proses kawinan (pamijahan) antarane sasi Maret lan Oktober.[3] Pamijahan ditindakake dening capelin wadon lan rong capelin lanang.[3] Umume, pamijahan ana ing temperatur 430C-500C lan luwih aktif nalika wengi.[3]
[sunting] Ngendhog
Sawise kawinan, capelin wadon ngendhog ing lautkang cethèk ing dhuwuring kerikil alus utawa ing pante.[3] Kewan iki netes kanthi mbutuhake wektu kang suwene 15 dina ing suhu 100C.[3] Saben capelin wadon ngasilake antarane 3.000 lan 56.000 endhok.[3]
