Boeing 747

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados


Boeing-Logo.svg
Boeing 747
Garuda Indonesia B747-400(PK-GSH) (4183273272).jpg
Sawijining Boeing 747-400 kanthi livery Garuda Indonésia
 Tipe Berbadan lebar - Jumbo jet
 Produsen Boeing Commercial Airplanes
 Perancang Joseph F. Sutter
 Pisanan mabur 9 Februari 1969[1]
 Status Aktif
 Pemakai British Airways
Japan Airlines
Cathay Pacific
Korean Air
Singapore Airlines
Garuda Indonésia
 Diproduksi 1969 - saiki
 Cacah digawé 1,395 November 2007
 Rega satuan 747-100 US$24 juta (1967)
747-200 $39 juta (1976)
747-300 $83 juta (1982)
747-400 $228-260 juta (2007)[2]
747-8 $285.5-300 million (2007)[2][3]
 Varian Boeing 747SP
Boeing VC-25
Boeing 747-400
Boeing 747-8
Boeing 747 LCF
KLM ndharat ing lapangan terbang San Francisco

Boeing 747, uga ditepungi mawa jeneng "Jumbo Jet", iku sawijining montor mabur komèrsial jarak adoh lan awak amba (widebody) sing diprodhuksi déning Boeing. Montor mabur iki misuwur déning ukurané sing gedhé, montor mabur iki kalebu montor mabur sing paling ditepungi wong ing donya. Boeing 747 pisanan mabur secara komersial ing taun 1970 lan sajroning 37 taun dumadi montor mabur komersial sing gedhé dhéwé nganti munculé saingané Airbus A380. Montor mabur iki uga sing kapisan nduwé awak amba. Montor mabur Boeing 747 nduwé mesin jet patang siji, lan tingkat loro kanggo sabagiyan dawané. Bènjolan ing dèk dhuwur montor mabur iki nggawé 747 dadi ikon perjalanan udara sing misuwur. Susunan umum telung kelas 747 bisa ngamot 416 penumpang, kamangka susunan rong kelas bisa ngamot 524 penumpang. Vèrsi 747-400, yaiku vèrsi pungkasan sing saiki mabur, kacepetané sub-sonik 0,85 Mach (913 km/jam) lan radius pamaburané ana 7.260 mil segara utawa 13.446 kilomèter.[4] Boeing 747 dikira wis dadi mubadir sawisé kepayon 400 unit, nanging tibakné montor mabur iki umuré luwih dawa tinimbang prakirané para kritikus lan prodhuksiné ngliwati wates 1.000 unit ing taun 1993. Per sasi Desember 2007, wis ana 1.396 unit sing dibangun mawa luwih saka 125 konfigurasi sing séjé-séjé. Modèl pungkasan iku diarani 747-8, lan miturut rencana bakal mlebu dines ing taun 2009. Sing ngluncuraké miturut rencana yaiku bakal maskapai Jerman Lufthansa.

Latar historis[sunting | sunting sumber]

Pesawat 747 iku lair nalika demam perjalanan udara ing dasawarsa 1960-an. Mangsa transportasi jèt komèrsial sing kapimpin déning Boeing 707 sing populèr banget, bisa miwiti révolusi ing perjalanan jarak adoh lan nglairaké apa sing kasebut konsèp "désa donya" utawa diarani global village ing basa Inggris. Banjur Boeing didesek déning pelanggané sing utama yaiku Pan Am supaya nggawé pesawat raksesa sing bisa ngangkut wong akèh banget lan ukurané Boeing 707 kaping loro. Ing taun 1966 Boeing nggawé proposal pesawat anyar sing bakal diarani 747 lan Pan Am langsung mesen 25 wiji.

Mlebu dines[sunting | sunting sumber]

Nalika tanggal 15 Januari 1970, Ibu Negara Amérika Sarékat Patricia Nixon ngresmèkaké 747 kapisan darbéné Pan Am's ing Bandar Udara Internasional Dulles (sing banjur diarani Bandar Udara Internasional Washington Dulles), sasandhingé ketua Pan Am; Najeeb Halaby. Nanging ora kaya biyasané nganggo minuman keras champagne, sing dienggo yaiku banyu awerna abang, putih, lan biru sing disiramaké ing badané pesawat. Pesawat Boeing 747 mlebu dines ing tanggal 22 Januari 1970 ing rute New York – London. Sajatiné pamaburan iki wis direncanakaké ing kala wengi tanggal 21 Januari, nanging ana masalah mesin sing dadi kepanasen, tundhané montor maburé ora bisa dienggo manèh. Banjur kanggo nemu penggantiné mbutuhaké wektu luwih saka enam jam, mula pamaburan iki diundur nganti sadina.

Introduksi 747 mlebu ing dines kagolong mulus, tanpa masalah lan bisa ngatasi kasamaran utawa kakuwatiran yèn sawetara bandhara ora bisa nangani montor mabur sing gedhéné kaya mengkéné iki. Senadyan uga ana masalah tèknis, nanging kabèh sacara rélatif namung cilik waé lan bisa ditangani cepet. Sawisé diluncuraké déning Pan Am, maskapai pamaburan liyané uga akèh sing tuku lan nganggo 747 supaya bisa kompetitif. Boeing dhéwé ngira yèn separo saka kabèh 747 sing didol iku marang maskapai sing mbutuhaké radius pamaburané sing dawa lan dudu merga kapasitas pesawaté sing gedhé. Nanging senadyan 747 iku nduwé béya operasi sing murah dhéwé per kursi, béya operasi murah iki namung bisa dicapai yèn okupansi kursi iku nyedhaki 100%. Béya operasi per kursi dadi munggah yèn okupansiné medhun. Konsumsi bahan bakar 747 sing ora kebak banget isiné, kurang luwih 70% contoné, nganggo luwih saka 95% bahan bakar sing dibutuhaké 747 sing kebak. Béya operasi sing dhuwur dadi ana yèn pesawaté ora ngangkut penumpang akèh.

Nalika masalah ékonomi ing Amérika Sarékat lan negara liyané muncul sawisé Krisis Lenga 1973, lalu lintas penumpang medhun lan sawetara maskapai weruh yèn kabèh iku ora nduwé cukup penumpang supaya 747 bisa tetep dienggo sacara ékonomis. Mulané akèh 747 sing diganti karo pesawat McDonnell Douglas DC-10 lan Lockheed L-1011 sing nduwé telung mesin lan luwih cilik (sawisé iku diganti déning Boeing 767 lan Airbus A300 sing nduwé mesin loro). Sawisé nyoba ngganti kursi penumpang mawa bar piano supaya narik luwih akèh pelanggan, wusanané American Airlines pesawat-pesawat 747-né didadèkaké pesawat kargo lan ing 1983 ijolan karo Pan Am olèh pesawat sing luwih cilik. Delta Airlines uga ngilangi 747 saka dines sawisé sawetara taun.

Pamaburan internasional sing ora ngliwati bandhara hub tradhisional, lan langsung ndharat ing kutha-kutha sing luwih cilik dadi luwih lumrah ing dasawarsa 1980-an. Perkara iki nggawé pasar awal 747 saya tipis. Nanging, isih akèh maskapai internasional sing tetep nganggo 747 ing rute Samudra Pasifik. Ing Jepang, 747 ing rute-rute domèstik dikonfigurasèkaké supaya bisa nggawa kapasitas kebak penumpangé.

Boeing 747 sacara cepet olèh status ikon lan muncul ing akèh prodhuksi film, kaya ta serial film musibah Airport, Air Force One lan Executive Decision.

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:

Cathetan sikil[sunting | sunting sumber]

  1. ^ "Boeing 747 Program Milestones", The Boeing Company. Retrieved: 27 August 2005.
  2. ^ a b Boeing Commercial Airplanes prices, The Boeing Company. Retrieved: 26 June 2007.
  3. ^ Karp, Aaron. "Boeing boosts aircraft prices 5.5% on rising cost of labor, materials", Air Transport World, 26 June 2007. Retrieved: 17 December 2007.
  4. ^ Miturut "Technical Characteristics -- Boeing 747-400", Boeing Commercial Airplanes, dijupuk ing tanggal 29 April 2006.

Sumber artikel punika saking kaca situs web: "http://jv.wikipedia.org/w/index.php?title=Boeing_747&oldid=838701"