Avatar (film)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Avatar
On the upper half of the poster are the faces of a man and a female blue alien with yellow eyes, with a giant planet and a moon in the background and the text at the top: "From the director of Terminator 2 and Titanic". Below is a dragon-like animal flying across a landscape with floating mountains at sunset; helicopter-like aircraft are seen in the distant background. The title "James Cameron's Avatar", film credits and the release date appear at the bottom
Theatrical release poster
Sutradara James Cameron
Produser Jon Landau
Panulis James Cameron
Paraga Sam Worthington
Musik déning James Horner
Sinematografi Mauro Fiore
Panyunting Stephen E. Rivkin
Studio Lightstorm Entertainment
Distributor 20th Century Fox
Tanggal rilis
  • Desember 10, 2009 (2009-12-10) (London premiere)
  • Desember 18, 2009 (2009-12-18) (United States)
Durasi 162 minutes[1]
171 minutes (re-release)[2]
Negara United States
Basa English
Anggaran $237 million
Bathi reged $2,782,275,172[3] [4]
Avatar

Avatar, yaiku film fiksi Amerika ing taun 2009, sing disutradarani déning James Cameron, lan paragané Sam Worthington, Zoe Saldana,Stephen Lang, Michelle Rodriguez, Joel David Moore, Giovanni Ribisi lan Sigourney Weaver. Avatar dirilis sepisanan tanggal 10 Desèmber 2009 ing London, lan dirilis sacara Internasional tanggal 16 Desember, ing Amerika tanggal 18 Desèmber.[5]

Dalan Crita[sunting | sunting sumber]

Ing taun 2154, manungsa sing urip ing Bumi saya kentèkan sumber daya alami. Mula The Resources Development Administration (RDA) golèk tambang mineral unobtanium ing planèt Pandora, sing alasé kebak lan ngorbit ing gas gedhé Polyphemus ing tatanan bintang Alpha Centauri. Pandora gas é beracun kanggo manungsa mula kudu nganggo masker oksigen, dipanggoni déning para Na'vi, dhuwuré 3 m, kagolong spèsiès sapient humanoid, kulité warnané biru, sing urip harmoni karo alam lan nyembah dewa ibu yaiku Eywa.

Kanggo ngèksplorasi biosfer ing Pandora, digawé tironan Na'vi kang disebut avatar, yaiku dioperasèaké déning manungsa nganggo pikiran kan disambung ing tabung awak kang cocok genetiké. Jake Sully (Worthington)pawongan sing lumpuh, mantan tentara, nggantèkaké posisi sedulur kembaré kang wis mati kanggo ngoperasèkaké avataré. Dr. Grace Augustine (Sigourney Weaver) kepala program avatar, nganggep Sully kurang wasis kanggo panalitèn iki, mula dhéwéké diwènèhi ilmuwan yaiku Norm Spellman (Joel David). Nalika mlebu ing alas, Jake diserang déning thanator, mula dhéwéké mlayu. Ing tengah alas dhéwéké dislametaké déning Neytiri Zoe Saldana, salah sawijiné Na'vi wadon. Amarga deleng Jake antuk tandha apik saka Eywa, mula Neytiri nggawa Jake menyang klan-é. Ibuné yaiku ibu Mo'at ngongkon Neytiri kanggo ngajari Jake urip karo masyarakat Na'vi liyané.

Kolonel Miles Quaritch (Stephen Lang), ketua RDA pasukan keamanan swasta, njanjèni Jake supaya sikilé isa mari. Yèn Jake isa nggolèk informasi ngèngingi Hometree, panggonan para Na'vi sing ing lemahé akèh unobtaniumé. Grace, Norm, lan Jake padha - padha nyinaosi babagan uripé para Na'vi. Nganti 3 sasi Jake isa mbaur lan diinisiasi, Jake milih pasangan karo Neytiri. Nalika pasukan buldoser arep ngancuraké Wit Suci, Jake nyerang buldoser mau. Quaritch ngerti yèn sing nyerang mau Jake, Jake njelasaké yèn para Na'vi ora bakal lunga saka Hometree. Mula Quaritch mutusaké yèn Hometree kudu diancuraké.

Grace wis mènèhi pangertèn marang Parker Selfridge (Giovani Ribisi), yèn ngancuraké Hometree mengko bisa ngrusak jaringan saraf biologi asli Pandora. Mula Parker mènèhi kesempatan kanggo dhéwéké supaya bisa ngajak para Na'vi padha ngungsi. Jake lan Grace ngomong marang para Na'vi yèn dhéwéké kuwi mata - mata, mula Jake lan Grace ditangkap. Ngerti perkara mengkéné, Quaritch lan pasukané mbedhil Hometree nganti ambruk lan matèni para Na'vi uga bapaké Neytiri ketua para klan. Mo'at mbébasaké Jake lan Grace, ananging awaké metu saka avatar. Lan dipenjarakaké déning pasukan Quaritch. Nanging pilot Trudy Chacon (Michelle Rodriguez) ngéwangi Jake, Grace, lan Norm. Trudy nggawa pesawat lan kabur bareng - bareng menyang pos Grace, nanging Quaritch weruh, mula pesawat mau ditémbaki lan kena Grace.

Supaya antuk kaparcayan marang para Na'vi, Jake ngubungaké pikirané karo toruk, yaiku naga sing diwedèni lan dikurmati para Na'vi. Jake nemoni para Na'vi ing Tree of Souls kanggo ndonga supaya jiwané Grace isa pindhah ing avataré. Nanging ora isa, Grace mati.

Disengkuyung déning Tsu'Tey (Laz Alonso) ketua anyar, sing dadi penerjemah Jake. Jake ngajak para klan kanggo perang nglawan RDA. Quaricth uga nyusun stratégi kanggo ngrusak Tree of Souls. Jake ndonga marang Eywa supaya isa bantu nyelametaké para Na'vi.

Ing wayah perang, para Na'vi kalah akèh, Tsu'Tey lan Trudy mati, ananging dumadakan para kéwan padha bantu kanggo perang, donga Jake marang Eywa manjur. Na'vi menang. Para manungsa dikon mbalik menyang Bumi. Nanging Jake ditransfer sacara permanen dadi Na'vi.


Cathetan Sikil[sunting | sunting sumber]

  1. ^ "BBFC rating and classification details for Avatar". December 7, 2009. http://www.bbfc.co.uk/website/Classified.nsf/ClassifiedWorks/d41e437d8c39c12d80257685004dba11. Retrieved August 26, 2010. "Feature Film. Classified 07 December 2009. Run Time 161m 35s"
  2. ^ James Wigney (August 15, 2010). "Avatar director slams bandwagon jumpers". Herald Sun. Australia. http://www.heraldsun.com.au/entertainment/avatar-director-slams-bandwagon-jumpers/story-e6frf96f-1225905342936. Retrieved August 16, 2010.
  3. ^ Box Office Mojo
  4. ^ "Avatar". The-Numbers. Nash Information Services. http://www.the-numbers.com/movies/2009/AVATR.php. Retrieved March 27, 2011.
  5. ^ (en)[1](dipunundhuh tanggal 18 November 2012)
Sumber artikel punika saking kaca situs web: "http://jv.wikipedia.org/w/index.php?title=Avatar_(film)&oldid=864731"