Arte

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Cithakan:Infobox TV Channel

Kantor Arte ing Strasbourg

Arte (Association Relative à la Télévision Européenne) minangka sawijining jaringan TV Perancis-Jerman. Ngandharaken dhirinipun minangka sawijining saluran budaya Eropa lan kagungan ancas saperlu mromosikaken kualitas pemrograman mliginipun bab budaya lan seni. Kantoripun dumunung ing Issy-les-Moulineaux caket Paris, Perancis, Strasbourg, Perancis (kantor pusat) lan Baden-Baden wonten ing Jerman.[1]

Amargi minangka usaha sesarengan internasional (sawijining EEIG), programipun nglayani pamriksa saking kekalih negara. Punika nyebabaken irah-irahan kalih, penerjemahan lan alih swara gandha, migunakaken kekalih basa lan kalih track audio kapisah (namung satunggal ingkang kasamekta ngudhara ing Perancis, anangin satunggal sanèsipun saged dipunpilih wonten ing televisi satelit lan kabel digital).

Arte miwiti pemancaran taun 1992, wonten ing sangandhaping pamarèntahan sosialis, ngebaki frekuensi ingkang dipuntilaraken déning La Cinq, jaringan televisi komersial basa Perancis pisanan (dipunbentuk taun 1986). Arte sampun slamet saking pamindhahan taun 1993 dhateng pamarèntahan sayap tengen lan sajumlah èwah - èwahan.

Programipun dipundamel déning Arte France ingkang sadèrèngipun dipunkenal kanthi nama La Sept (La Société d'édition des programmes de télévision, ananging ugi minangka dolanan tembung, dadosaken nama punika ateges jaringan angka 7 lan La Sept jumeneng nalika jaringan angka 5 taksih ingkang nama La Cinq; damel program televisi satelit nalika punika) lan déning ARTE Deutschland GmbH, subsidiari 2 jaringan TV Jerman umum utama ARD lan ZDF.[2]

Wonten ing Perancis, wonten ing siaran digital, pemrograman kasamekta permanèn (wonten ing kabel digital, satelit digital lan televisi terrestrial digital), ananging wonten ing siaran analog, mengudara namung nalika sonten, déné France 5 ngoperasikaken frekuensi saben dinten.

Arte langkung populer ing Perancis (saham pasar sakitar 5%) tinimbang Jerman (sakitar 1%), ananging wonten ing Jerman saluran punika ngalami kathah saingan.

Arte ugi samekta wonten ing basa Belgia lan Belanda lumantar kabel.

Arte ugi sawijining situs web radio online, dipunsebut Arte Radio.[3]

Australian Special Broadcasting Service nerjemahaken manéka program Arte wonten ing basa Inggris kanggé dipunsiyaraken wonten ing jaringan televisinya lan sebrang laut.

Program[sunting | sunting sumber]

Cathetan Suku[sunting | sunting sumber]

Pranala Njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Arte&oldid=843240"