Yayat Surya

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Yayat Surya (lair 23 Dhésèmber 1968) iku salah sawijining juru kagunan kang miwiti lakuné karir saka dadi juru lukis gaya Kubisme lan Geometric Art. Salah sawijining gaya kang kurang disenengi juru kagunan nang Indonésia − amarga kurang diaprésiasi masyarakat. Nanging, piyambakipun tetep ajeg nang jalur abstrak geometris.

Karir, karya lan panghargyan[besut | besut sumber]

Yayat trèsna marang babagan kagunan awit cilik saka kabiyasaané nyorét-nyorét tèmbok. Banjur, Yayat kang isih SMA kelas siji, wiwit sinau nglukis kaca nganggo Rastika ing Sanggar Prabangkara Desa Gegesik Cirebon. Bibar tamat SMA, Yayat nerusaké kuliah ing Institut Teknologi Bandung. Ing kana, piyambakipun asring dijaluki tulung macaki panggung. Ing taun 1987, Yayat pindhah Yogyakarta banjur mlebu Fakultas Seni Rupa Institut Sèni Indonésia (ISI) Yogyakarta lan Seni Rupa Universitas Sarjanawiyata Taman Siswa (UST) Yogyakarta. Yayat kang dadi salah sijining pangadeg Komunitas Gelaran Budaya wis akèh mèlu pepethingan ing njero nagara lan njaban nagara antarané ing Duta Fine Art Foundation (1999), "Memorandum of Change" lan "I Ching Change Iching" (2001), "Alam, Perubahan dan Tatanan" lan "Cosmos Chaos" (2002), "Arti Line" (2005) dan "My Love Supreme" ing 2007. Yayat uga oléh akéh panghargyan antarané yaiku Finalis Phillip Morris ing taun 1999, 2000, 2001, 2003, Indofood Art Award 2003, lan China International Exhibition Agency (CIEA) kanggo karya bèbarèngan ing taun 2003.[1]

Téma karyané[besut | besut sumber]

Yayat nyenengi tema spiritualitas saking wètan amarga seneng tema I Ching lan tokoh Budha, Kuan Im, lan Budha Ngguyu. Tokoh Budha mènèhi Yayat akèh ilham. Yayat sinau bab méditasi lan nemu ilham nglakoni urip seniman kang bisa digunakaké kanggo urip saben dina saking tokoh Budha. Salanjengipun, Yayat uga gandrung marang simbol Mandala lan I Ching kanggo lukisan gaya geomètris. Tokoh I Ching mènèhi Yayat ilmu bab owah-owahan lan gèsrék uga bab imbang lan bubrah. Yayat nglakoni laku spiritual kanggo nggolèkki tokoh I Ching lan Budha, Yayat lunga menyang Bangladesh, India, Cina, lan tekan Nepal.

Jinis karyané[besut | besut sumber]

M. Dwi Marianto, kurator kagunan, mènèhi panemu menawa karya lukis Yayat kalebu kelompok Orphist utawa kagunan abstrak "hard edge" saking Eropa taun 1920-an lan 1930-an. Orphism iku diwiwiti nang Paris taun 1910-an. Kang paling ketara saking karyanipun Yayat ya iku kreatif mujudaké idè-idènipun. [1]

Rujukan[besut | besut sumber]

  1. a b 1978-, Dahlan, Muhidin M.,. Almanak seni rupa Indonesia : secara istimewa Yogyakarta. [Jakarta]. ISBN 9789791436298. OCLC 848263279.