Wikipedia:Aja mangu-mangu mbesut artikel

Saka Wikipédia Jawa, bauwarna bébas abasa Jawa

Paguyuban Wikipedia mrayogakaké supaya ora mangu-mangu mbesut artikel. Wiki bisa tuwuh ngrembaka yèn paguyuban kanthi bareng-bareng ndandani kaluputan, ngoreksi tata basa, nambahaké fakta, lsp. Anggepen wong liya bakal wani ngorèksi karyamu, mula kuwi pancèn kang dikarepaké. Coba élingana kaping pira waé panjenengan maca tulisan lan mikir, "Kena apa ya ora ana kang mriksa suntingan kaca iki?" Wikipedia ora mung ngidinaké bab kuwi, malahan menginaké panjenengan nambah, ngowahi lan mbesut artikel. Pancèn diperlokaké sopan santun sithik kanggo bab kuwi, nanging panjenengan mesthi bisa. Jajalen waé.

Yèn ana kang nulis sawijining artikel kang kualitasé èlèk, rintisan, ora nalar, aja kuwatir yèn besutan kang panjenengan ayahi bakal nglarani atié. Korèksi, tambahké informasi, lan yèn isih tetep katon èlèk, ganti nganggo tembung lan ukara liya kang miturut panjenengan luwih becik. Ya kuwi sifat dhasar Wiki.

Mesthi waé, élinga yèn wong liya manawa bakal tanpa mangu-mangu mbesut tulisan panjenengan. Aja dilebokaké ati. Wong-wong kuwi, kaya déné kita kabèh, mung kepéngin nggawé Wikipedia dadi luwih becik.