Wikipédia:WikiTeroka3.0

Sugeng rawung ing kaca Tantangan WikiTeroka 3.0!

ikimédia IIndonésia nganakaké WikiTeroka 3.0, tantangan nulis ing Wikipédia basa daérah. Ana limang basa daérah ing Indonésia kang mèlu tantangan iki, yaiku basa Jawa, Minang, Sunda, Banjar, lan Gorontalo. Ing tantangan WikiTeroka 3.0, awaké dhéwé nduwèni pangajap amrih bisa nuduhaké semangat gotong royong kanggo sakabèhané kontributor Wikipédia. Akèh-akèhé kontributor ing Indonésia kang luwih milih kanggo ngrembakakaké artikel dhéwé tinimbang diréwangi déning naralila liyané, sanajan sajatiné gotong royong iku dadi salah sawijining ciri mirunggan masarakat Indonésia lan uga dadi salah sawijining prinsip dhasar ing Wikipédia. Bab kaya mangkéné iki kang dadi dhasar panitya anggelar WikiTeroka 3.0, yaiku kanggo nglanggengaké semangat gotong royong lan nglestarèkaké basa daérah kanthi cara kang luwih nyenengaké. Saliyané iku, tembayatan antarané kontributor anyar lan naralila kang wis nduwèni pengalaman ing WikiTeroka 3.0 bisa nguwataké paguyuban kontributor Wikipédia basa daérah.

Tanggal penting Pandaptaran lan titi mangsa tantangan 11 April – 31 Mèi 2022 Sesambungan kompetisiwikimedia.or.id Daptar ing kéné!

Pranata Umum

1. Tantangan iki kagelar wiwit tanggal 11 April-31 Mei 2022
2. Tantangan asipat pribadi utawa individu
3. Panjenengan wajib manut kebijakan ruang ramah acara Wikimédia Indonesia
4. Warga Negara Indonésia (WNI) lan mapan ing Indonésia
5. Paling sithik umuré yaiku 17 taun nalika tantangan diwiwiti (kaétung saka 11 April 2022)
6. Panjenengan ora bisa melu tantangan iki, manawa:
   • Nampa Hibah Paket Internet sasi April utawa Mèi
   • Nampa Beasiswa Daring kang nembé lumaku
   • Nampa Beasiswa Daring sadurungé kang olèh ukuman (sanksi)
   • Minangka staf/konsultan/pengurus/pengawas Wikimedia Indonesia, Wikimedia Foundation, lan afiliasi Wikimedia liyané
7. Panyarta namung bisa mèlu WikiTeroka 3.0 ing salah siji basa
8. Manawa panjenengan rumangsa kangèlan bab tèknis lan kawicaksanaan, panjenengan bisa sesambungan karo panitya lumantar layang èlèktronik kompetisiwikimedia.or.id. Panjenengan uga bisa maca kaca pitakonan-wangsulan (halaman tanya jawab) kanggo pitakonan kang kerep ditakokaké
9. Panitya nduwèni wenang kanggo ngandheg partisipasi panjenengan manawa ngganggu kalancaraning tantangan iki
10. Putusan panitya asipat final lan ora bisa diganggu gugat

Pranata Tèknis

• Panjenengan wajib ngrembakakaké artikel kang wis katemtokaké, yaiku kanthi pranata:
  • minimal 5.000 bita
  • minimal 2 rujukan
• Pangembangan artikel diwiwiti ing tanggal 11 April 2022 tabuh 00.00 WIB (10 April 2022 tabuh 17.00 UTC) tekan 31 Mei 2022 pukul 23.59 WIB (16.59 UTC).
• Ora kena njaplak (plagiarisme)
• Artikel ditulis klawan wewaton basa Jawa kang becik, bener, lan pener. Kudu nggatèkaké tandha waca, aksara miring, cara panulisaning tembung, lan kapitalisasi.
• Saben paragrap wajib nduwèni minimal rujukan cacah siji kang mitayani.
• Kena mertal utawa narjamahaké artikel saka Wikipédia basa Indonésia utara Inggris (nanging dudu asil saka pertalan mesin)
• Kontèn kang ora manut pranata ora bakal diitung déning panitya

Bebungah

Wikimédia Indonésia bakal ngirim saldo OVO/GoPay Rp150.000 (durung kalebu pajeg) kanggo 20 panyarta paling cepet saka saben basa daérah kang ngrembakakaké artikel manut pranatan, yaiku minimal 5000 bita lan 2 rujukan. Bebungah ora kaétung kanggo ambalan sabanjuré, lan panyarta namung olèh bebungah sepisan thok sasuwéné WikiTeroka 3.0 kagelar.

Cara Partisipasi

1. Ndaptar lumantar pranala blangko ing dhuwur
2. Sumangga ngrembakakaké artikel kang wis ditetepaké déning panitya
3. Konfirmasi nalika wis rampung anggoné mbesut ing kaca parembugan artikel kang wis ditetepaké
4. Panitya bakal nitipriksa lan mbiji artikel kang panjenengan besut

Sumangga besut artikel kang wis ditemtokaké ing pranala iki:

Artikel Asu

Panjenengan bisa konfirmasi kontribusi panjenengan ing pranala iki:

Parembugan:Asu