Wikipédia:Pitakonan kang asring banget kawetu
Pitakonan lan wangsulan prakara Wikipedia 
|
Daftar pitakonan lan wangsulan | Umum | Pamaos | Kontribusi | Nyunting | Panggulawentahan | Teknis | Prakara | Liya-liyané | Hak cipta | Asring banget |
Kaca ini isi daftar pitakonan ngenani Wikipedia sing kerep banget kawetu déning naraguna anyar. Priksanen apa pitakonan sing bakal panjenengan ajokaké wis kajawab ing kaca iki utawa durung, yèn durung panjenengan bisa ngajokaké ing Warung Kopi.
Kenapa artikel "X" ora ana?
[besut sumber]- Sawijining artikel "X" ora ana ing Wikipedia tegesé durung ana sing gawé utawa nulis artikel kasebut. Naraguna ing Wikipedia bébas milih artikel endi waé sing bakal ditulis. Yèn panjenengan kepingin ngrintis, panjenengan diaturi gawé artikel kasebut.
- Aja nunggu wong liya miwiti artikel sing durung ana. Senadyan sethithik, tulisan sing bakal panjenengan sumbangaké bakal migunani kanggo pangembangan artikel kasebut ing mangsa ngarep.
Kenapa artikel iki ora jangkep?
[besut sumber]- "Kenapa artikel iki ora jangkep?", "kenapa xyz ora ditulis ing artikel abc?", "kenapa panata ora nulis xyz ing abc?". Kanggo njawab pitakonan kasebut panjenengan kudu mangertèni cara kerja Wikipedia. Kaya déné jawaban pitakonan "Kenapa artikel 'X' ora ana?" ing ndhuwur, Wikipedia ditulis déning naraguna-naragunané. Panulis-panulisé klebu para panata bébas nulis artikel apa waé ing Wikipedia, nanging para panulisé ora dibebanin kudu nulis kanthi pepak.
- Yèn penjenengan nemokaké artikel sing ora pepak lan panjenengan kepingin nambahi informasi, panjenengan diaturi langsung nyunting artikel kasebut.
Sapa sing nulis artikel ing Wikipedia?
[besut sumber]- Kabèh artikel ditulis d'ening naraguna-naraguna Wikipedia sacara sukarila. Naraguna bébas milih lan nulis topik sing disenengi. Ora ana sing dibayar kanggo nulis ing Wikipedia.
Kenapa artikel gawéyanku dibusak?
[besut sumber]- Ora kabèh informasi layak kanggo dilebokaké ing wikipedia. Nanging iku dudu satu-siji-sijiné alesan pambusakan artikel. Bisa-bisa artikel sing digawé ora layak saka segi panulisan, ngandhut panyesatan utawa fitnah. Waca pituduh lan pitulung panulisan supaya tulisan panjenengan bisa dadi layak.
- Panjenengan uga bisa takon ing warung kopi supaya éntuk katrangan ngenani pambusakan.
Aku bingung, sapa sing bisa dihubungi?
[besut sumber]- Mesthi waé sing utama yakuwi para panata. Nanging panjenengan uga bisa ngubungi naraguna liya sing aktif. Panata lan naraguna aktif biasané bakal seneng bisa mbantu panjenengan.
- Kanggo bantuan sacara online, gunakna fasilitas Internet Relay Chat (IRC) utawa liwat milis Wikipedia basa Jawa.
Aku ora ngerti cara ngatur tulisan sing becik, apa olèh nyumbang?
[besut sumber]- Aja wedi, saben tulisan ing wikipedia diawasi déning panata lan naraguna sing wis ahli jroning ngatur tampilan artikel. Para naraguna mau bakal mbantu ndandani..
- Pérangan sing paling wigati yakuwi informasi lan data sing panjenengan sumbangaké, dudu penampilané.
Apa iku vanitas? Kenapa artikelku diwènèhi pènget vanitas?
[besut sumber]- Vanitas iku istilah kanggo nengeri pratingkah manfaataké kabébasan ing wikipedia kanggo ngèkspos awaké (organisasiné) dhéwé ing internet.
- Yèn [panjenengan pancèn ngrasa misuwur, utawa saora-orané cukup notable, luwih becik umbarna wong liya sing nulis artikel ngenani biografi panjenengan. Utawa yèn panjenengan tetep kepingin nulis ngenani dhiri pribadi panjenengan, pesthèkna migunakaké sumber-sumber sing pinercaya, dudu saka pangalaman pribadi panjenengan dhéwé. Éndhani uga tindakan ngalem awaké dhéwé lan migunakaké ukara hiperbolis.
- Diaturi maos kawicaksanan ngenani notability supaya mangertèni apa panjenengan bisa dianggap layak ditulis ing wikipedia. Yèn sawisé maca kawicaksanan kasebut lan ngrasa yèn panjenengan durung layak dibahas ing sawijining artikel, élingana isih ana kaca naraguna sing bisa panjenengan isi kanthi katrangan pribadi panjenengan. Luwih pepak, pirsani: Wikipedia:Vanitas.