Témbok ula-ula

Témbok ula-ula iku sajinising témbok sing ora lurus wujudé, nanging kogèl-kogèl kaya ula. Témbok modèl kaya mangkéné bisa akèh ditemoni ana ing Walanda. Awalé témbok kaya mangkéné iki kalebu témbok woh-wohan. Déné wujudé sing kogèl-kogèl, témbok sing stabil bisa digawé tanpa kudu nganggo témbok panyangga (buttress). Ènggokané iku bisa dadi papan pangreksa, sing bisa dienggo éyup kanggo tanduran sing tampanan angin.

Sawetara témbok ula-ula ora ndarbèni clowokan ing rong sisih, dadi kaya ula, nanging rong cagak lan antara cagak iki dibangun témbok mbunderi. Témbok kaya ngéné kerep diarani témbok ula-ula, nanging sok-sokan dibédakaké antara témbok ula-ula lan témbok lambak-lambak, adhasar wujudé.

Terus ana sing diarani témbok retranchement, iki tembung saka basa Prancis. Ing témbok kaya mangkéné iki ora ana wujud sing clowokan, nanging ana témbok legokan sing lumebu lan disambung mawa pojok miring.

Kastil Sanssouci ing Potsdam cedhak Berlin ndarbèni sawetara tembok woh-wohan ing èrèngan kiwa lan tengené undhak-undhakan ing téras-téras sing sangsaya munggah. Wujudé sambungan témbok lurus lan setengah bunder, ing ngendi bagéané sing bunder bisa ditutupi kaca cendhéla supaya ora kademen.