Kastil Zuylen

Kastil Zuylen (basa Landa: Slot Zuylen) iku kastil ing desa Oud-Zuilen cedhak kutha Utrecht . Katon saka Utrecht ing wiwitan laladan Vechtstreek. Sejarah kastil diwiwiti ing abad ka-13.

Sajarah

Ing abad 13, ana donjon dibangun déning Tuwan saka Suilen lan Anholt. Ora akèh sing dingerteni babagan menara omah iki.

Ing abad kaping 14, donjon kasebut iku ditambahi karo omah balé. Kulawarga Van Zuylen dibagi dadi sawetara pang: kulawarga Van Zuylen tetep dadi panguwasa kastil nganti abad kaping 14. Ing taun 1422, Frank van Borssele marisi kastil amarga dadi kulawarga déné rabi. Ing taun sing padha kastil kasebut diambrukaké salemah nalika ana gègèran Hoek nglawan Kabeljauw déning kaum Hoek Utrecht.

Pas ing taun 1510 Kastil Zuylen wiwit dibangun manèh déning priyayi Willem van Rennenberg . Ora let suwé saisé dibukak, mula diakoni minangka ridderhofstad. Keturunané, kalebu George van Lalaing, lan kulawarga Egmond ndarbèni kastil iki nganti taun 1611 didol karo juru dagang Amsterdam, Jasper Quinget. Wong sakutha Adam van Lockhorst dadi sing ndarbèni nem taun sabanjuré. Kira-kira taun 1620 Laksamana Steven van der Hagen dadi sing manggoni kastil iki. ^[1] Pungkasané kastil iku dadi darbèné kulawarga Van Tuyll van Serooskerken.