Todor Zhivkov

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Todor Zhivkov

Todor Hristov Zhivkov (1911 - 1998) iku siji pulitikus Bulgaria. Dhèwèké tau njabat dadi pangrèh Parté Komunis Bulgaria nganti taun 1989. Jabatan iki dipangku wiwit taun 1954. Todor Zhivkov dadi kalebu salah siji pangrèh donya sing suwé banget olèhé lenggah. Olèhé njabat ditandhani mawa stabilitas pulitik lan ékonomi sing durung tau katon kanggo Bulgaria, jangkep karo nurut total marang arahan Uni Sovyèt lan anané gegayutan sing luwih raket karo Donya Kulon.

Babad slira[besut | besut sumber]

Monumèn Todor Zhivkov ing Pravets.

Zhivkov lair ing désa Pravets, Bulgaria ing siji kulawarga tani. Ing taun 1928, dhèwèké nggabung karo Sarékat Kaum Anom Komunis Bulgaria, siji organisasni sing raket karo Parté Buruh Bulgaria - sing ing tembé bakal dadi Parté Komunis Bulgaria. Taun sawisé, Zhivkov olèh pagawéan ing Darzhavna pechatnitsa, dinas pambabaran resmi pamaréntah ing Sofia.