Tindak tutur konstantif

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Tindak tutur Konstantif punika jinising tindak tutur ingkang kalebet tindak tutur deklaratif. Amargi miturut Austin (1962) [1] tuturan deklaratif punika wonten kalih inggih punika Konstantif lan performatif. Tindak Tutur Konstatif constative utterance utawi deskriptif inggih punika tindak tutur ingkang tuturanipun nélakaken samukawis ingkang leresipun saged kabuktosaken sahih utawi boten sahipun kanthi pangertosan donya. Kadosta nggambaraken utawi nyebataken kadadosan utawi perkawis, prosès utawi kawontenan, amargi gadhah sipat leres utawi boten leres (Kridalaksana, 1984:2001)[2].

Tuladha[besut | besut sumber]

Tuladhanipun tindak tutur konstatif inggih punika :

  1. Kutha krajan Bali punika Denpasar.
  2. Tsunami ing Acèh punika kadadosan ing surya 26 Dhésèmber 2006.
  3. Wingko babad punika salah satunggaling jajanan khas Semarang.
  4. Kutha krajan Jawa Tengah punika Yogyakarta.

Ing pinten-pinten tuladha punika ingkang saged dipunbuktosaken kanthi leres inggih punika nomer 1-3, ingkang nomer 4 punika tuladha ingkang saged kabuktèkaken kanthi boten leres/sahih. Nanging pambuktènipun kanthi leres utawi boten leres (no 1-4) punika taksih kalebet tindak tutur Konstatif, amargi tindak tuturipun saged kabuktosaken kanthi leres utawi boten leres.

Rujukan[besut | besut sumber]

  1. Austin, J.L. (1962), How to Do Things With Words…, Oxford, England.: Oxford University Press…, ISBN --- Priksa gandra |isbn= (pitulung), doi:--- Priksa gandra |doi= (pitulung) 
  2. Kridalaksana, Harimurti (1984), Kamus Linguistik, Jakarta: PT Gramedia, ISBN --- Priksa gandra |isbn= (pitulung), doi:--- Priksa gandra |doi= (pitulung)