The Prince of Egypt

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

The Prince of Egypt (Inggris): tegesé 'Sang Pangéran saka Mesir') iku sawijining film animasi Amérika Sarékat sing dirilis taun 1998. Film iki dibabar déning DreamWorks Animation lan awujud sawijining film drama lan semi sajarah. Film iki yaiku sawijining sadhuran saka Kitab Pangentasan lan nyritakaké kauripané Nabi Musa saka kawiyosané, nalika dadi Pangéran Mesir lan nalika nggiring kaum Bani Israil metu saka Mesir. Film iki disutradarani déning Brenda Chapman, Simon Wells lan Steve Hickner.

Film iki ndarbèni lagu-lagu sing ditulis déning Stephen Schwartz lan dikomposisi déning Hans Zimmer. Para paragané sing ngisi swara iku aktor lan aktris kelas dhuwur Hollywood, nanging menawa kudu nyanyi para penyanyi profésional sing ngganti. Kajaba Michelle Pfeiffer, Ralph Fiennes, Ofra Haza (sing nyanyèkaké laguné ing 17 basa sing séjé-séjé kanggo dubbingan), Steve Martin, lan Martin Short, sing nyanyi dhéwé.