The Mudfog Papers
The Mudfog Papers dianggit déning Charles Dickens lan dibabar saka 1837 nganti 1838 ing jurnal sastra wulanan, Bentley's Miscellany, kang uga dibesut dhèwèké.
The Mudfog Papers magepokan kauripan bebrayan fiktif, Bebrayan Mudfog kanggo kemajuan kabèh babagan, kemidhi Pickwickian saka British Association for the Advancement of Science.[1][2] (Sabanjuré, ditemuaké ing York kala 1831, dadi salah sawijining bebrayan Victoria kang disinau lan mentheng tumrap kemajuan kawruh.) Padha karo The Pickwick Papers, The Mudfog Papers ana gayutané karo lapuran-lapuran, mémoar-mémoar, lan layang-layang amerta parlemèn. Serialé diilustrasi déning George Cruikshank.
Kutha fiktif, Mudfog dhedhasar Chatham ing Kent, papan Dickens ngentekaké sapérangan masa énomé. Nalika Oliver Twist dibabar pisanan ing Bentley's Miscellany kala February 1837, Mudfog didunungaké Dickens minangka kutha papan lairé Oliver lan ngentekaké sapérangan masa énomé. Dickens nganggit Oliver Twist minangka lanjutané The Mudfog Papers, nanging alusi iki banjur diilangi nalika novelé dibabar.[3][4][5]