Tabrakan sepur antara Andria lan Corato

Tabrakan sepur antara Andria lan Corato kadadéan ing cedhaking Andria ing Apulia, Italia kidul. Kaanan iki kedadéan ing surya 12 Juli 2016, tabuh setengah loro awan, wektu lokal. Tabrakan iki ngakibataké sakurang-kurangé 25 wong tiwas lan 50 tatu-tatu.^[1]

Nalika iku ana sepur loro sing tabrakan sadhuwuring jalur tunggal, sing dadi bagéan ril sepur antara Bari lan Barletta lan dilakoni déning maskapé sepur Ferrotramviaria.^[2]

Salah siji sepur sing tabrakan iku mèrek Alstom Coradia Minuetto saka modèl ELT 200 wetonan taun 2004. Banjur sepur sing sijiné iku ETR 340 wetonan taun 2009. Sepur iki ya iku modèl sawijining Stadler FLIRT. Saben sepur nggèrèt patang gerbong panumpang, banjur saka saben sepur gerbong sing rusak ya siji cacahé.

Sawetara wong sing tatu-tatu diungsèkaké menyang griya sakit mawa hélikopter.

Mahamantri Italia Matteo Renzi mbatalaké lelungané menyang Milano lan bali menyang Roma. Lembaga pamréntah Agenzia Nazionale per la Sicurezza delle Ferrovie (ANSF) dikon nlitèni kacilakan iki.

Latar wuri

Jalur Bari-Barletta iku nganggo amba jalur baku, mawa daya listrik 3.000 Volt DC. Wiwit dasawarsa 1990-an, jalur iki dipugar lan sawatara bagéan digawé rong jalur.^[3] Apesé kacilakan iki kedadéan ing jalur ril sing isih nganggo sepur siji. Jalur iki mestiné dioperasèkaké mawa sistim "blok tilpun". Para juru kunci setatsiyun kudu ngwèhi tandha menawa ana sepur teka lan ngandani para masinis sepur menawa kahanané aman utawa ora.^[4]

Réferènsi

↑ "The Latest: At Least a Dozen Dead in Italy Train Crash". The New York Times. 12 July 2016. Dibukak ing 12 July 2016.
↑ "Italy train crash: 'Twenty-three killed' near Bari in collision". BBC. 12 July 2016. Dibukak ing 12 July 2016.
↑ Rosenberger, Hans Jürgen; Turchi, Gian Guido (June 2007). "Puglia: lavori da Nord a Sud-Est". I Treni (ing basa Italia). Editrice Trasporti su Rotaie (294): 27.
↑ "Puglia, scontro fra treni tra Andria e Corato: 23 morti fra macchinisti e pendolari, 50 feriti". La Repubblica. 12 July 2016. Dibukak ing 12 July 2016.

[NYT-1] "The Latest: At Least a Dozen Dead in Italy Train Crash". The New York Times. 12 July 2016. Dibukak ing 12 July 2016.

[BBC-36774059-2] "Italy train crash: 'Twenty-three killed' near Bari in collision". BBC. 12 July 2016. Dibukak ing 12 July 2016.

[Rosenberger-3] Rosenberger, Hans Jürgen; Turchi, Gian Guido (June 2007). "Puglia: lavori da Nord a Sud-Est". I Treni (ing basa Italia). Editrice Trasporti su Rotaie (294): 27.

[LaRepubblica-Puglia-scontro-4] "Puglia, scontro fra treni tra Andria e Corato: 23 morti fra macchinisti e pendolari, 50 feriti". La Repubblica. 12 July 2016. Dibukak ing 12 July 2016.

[1]

[2]

[3]

[4]