Situs jaringan

Saka Wikipédia Jawa, bauwarna bébas abasa Jawa
(Dilih saka Situs wèb)

Situs jaringan (Inggris: website) utawa situs[1] ya iku pirang-pirang kaca web sing duwé topik kang gathuk, ana uga sing diwènèhi berkas-berkas gambar, video, utawa manéka jinis berkas liyané.[2] Sawijining situs web racaké papane ana ing sawijining server web sing bisa diakses liwat jaringan kaya internet, utawa jaringan wewengkon lokal (LAN) kanthi alamat internet sing disebut URL. Gabungan kabèh situs sing bisa diakses publik ana ing internet uga disebut Waring Wera Wanua utawa luwih kondhang diarani WWW. Ewasemana kaca utama situs internet umume bisa diakses publik kanthi bébas, ing prakteke ora kabèh situs bisa menehi kabebasan marang publik kanggo ngakses , sapérangan situs web ngawajibake pangunjung kanggo ndaptar dadi anggota, utawa bisa uga njaluk bayaran supaya bisa dadi anggota lan bisa ngakses isi sing ana ing situs web iku, kaya ta situs kang nampilake pornografi, situs-situs pawarta, surel (e-mail), lan liya-liyané. Watesan-watesan iki ana jalaran keamanan, ngurmati privasi, utawa amarga tujuan komersil tartamtu.

Halaman web ya iku berkas sing ditulis kanggo berkas teks biyasa (plain text) sing diatur lan dikombinasi nganggo instruksi-instruksi kang berbasis HTML, utawa XHTML, kala-kala disisipi basa skrip sathithik. Berkas iku banjur diterjemahake déning peramban web lan ditedhahake kaya halaman ing monitor komputer.

Halaman-halaman web iku diakses déning panganggo liwat protokol komunikasi jaringan kang diarani HTTP, kanggo tambahan ningkatake aspek keamanan lan aspek privasi sing luwik becik, situs web bisa uga nganggo implementasi mekaisme pangaksesan kanthi protokol HTTPS.

Sajarah[besut | besut sumber]

Sing nemu situs web ya iku Sir Timothy John ¨Tim¨ Berners-Lee, déné situs web sing kasambung karo jaringan ana wiwit taun 1991. Karepe Tim nalika gawé rancangan situs web ya iku kanggo supaya gampang anggoné ijolan lan nambah informasi anyar antarané panaliti ing papan nyambut gawé. Tanggal 30 April 1993, CERN (papan Tim padha nyambut gawé) ngumumake manawa WWW bisa dinggo kanthi gratis déning publik.

Sawijining situs web bisa arupa asil nyambut gawé saka perorangan utawa individu, utawa nedhahake kepemilikan saka sawijining organisasi, perusahaan. Parembugan ing situs web racaké duwé rujukan topik mirunggan, utawa kawigaten tartamtu. Sawijining situs web bisa diwènèhi isi pranala sing bisa gayut karo situs web liyané, semana uga situs web liyané. Bab iku mau marai ora bisa dibedakake situs web sing digawé individu karo situs web sing digawé déning organisasi ora pati cetha.

Situs web racaké papane ana ing server web. Sawijining server web umume wus diwènèhi piranti-piranti lunak mirunggan kanggo nangani pengaturan nama ranah, uga nangani layanan atas protokol HTTP sing diarani Server HTTP (Inggris: HTTP Server) kaya ta Apache HTTP Server, atau Internet Information Services (IIS).

Situs web statis[besut | besut sumber]

Situs web statis ya iku situs web sing duwé isi kang ora dilebokake kanggo diperbarui kanthi berkala, dadi pengaturan utawa pemutakhiran isi situs web dilakokake kanthi manual. Jinising piranti utilitas ana telu sing biyasa dinggo ngatur situs web statis:

  • Editor teks ya iku piranti utilitas kang dianggo nyunting berkas halaman web, kaya ta: Notepad utawa TextEdit.
  • Editor WYSIWYG, ya iku piranti lunak utilitas kanggo nyunting halaman web sing diwènèhi antarmuka grafis nalikane gawé rancangan lan désain, berkas halaman web lumrahe ora disunting kanthi langsung déning panganggo ananging utilitas iki gawé kanthi otomatis saka laman kerja sing digawé déning panganggo. Piranti lunak iki kaya ta: Microsoft Frontpage, Macromedia Dreamweaver.
  • Editor berbasis templat, sapérangan utilitas tartamtu kaya Rapidweaver lan iWeb, panganggo bisa gampang anggoné gawé situs web tanpa kudu ngerti basa HTML, ananging nyunting halaman web kaya nalika nyunting halaman biyasa, panganggo bisa milih templat sing bakal dinggo déning utilitas iki kanggo nyunting berkas kang digawé panganggo lan digawé dadi halaman web kanthi otomatis.

Situs web dinamis[besut | besut sumber]

Situs web dinamis ya iku situs web sing kanthi spesifik didésain supaya isi ing sajeroning situs bisa diperbarui kanthi berkala lan gampang. Isi sing ana ing situs web iki lumrahe bakal ganti sawisé sawijining periode tartamtu. Situs pawarta ya iku conto jinising situs kang lumrahe nganggo situs web dinamis.

Pengimplementasian situs web dinamis lumrahe butuh kahanan infrastruktur kang luwih kompleks tinimbang situs web statis. Kuwi mau amarga ing situs web dinamis halaman web lumrahe lagi digawé nalika ana panganggo sing ngakses, béda karo situs web statis sing lumrahe wus gawé sapérangan halaman web nalika diunggah ing server web saéngga nalika panganggo ngakses web iku server web mung menegi halaman iku tanpa prelu gawé dhisik.

Supaya server web bisa gawé halaman web nalika panganggo ngakses, lumrahe ing server diwènèhimesin penerjemah basa skrip (PHP, ASP, ColdFusion, utawa liyané), lan piranti lunak sistem manajemen basisdata relasional kaya MySQL.

Struktur berkas sawijining situs web dinamis lumrahe béda karo situs web statis, berkas-berkas ing situs web statis lumrahe saka sekumpulan berkas sing mbentuk situs web. Beda karo situs web statis, berkas-berkas ing situs web dinamis lumrahe saka pirang-pirang berkas sing mbentuk perangkat lunak aplikasi web sing bakal dilakokake denging mesin penerjemah server web, gunané supaya bisa ngatur anggoné gawé halaman web nalika halaman dijaluk panganggo.

Cathetan suku[besut | besut sumber]

  1. ^ "site - definition of site by the Free Online Dictionary, Thesaurus and Encyclopedia" (ing basa Inggris). Thefreedictionary.com. Dijupuk 2011-07-02. 
  2. ^ "website - definition of website by the Free Online Dictionary, Thesaurus and Encyclopedia" (ing basa Inggris). Thefreedictionary.com. Dijupuk 2011-07-02. 

C

Uga delengen[besut | besut sumber]

Pranala njaba[besut | besut sumber]