Salvator Mundi (Leonardo)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Salvator Mundi iku sawijining lukisan Gusti Yèsus minangka Salvator Mundi (Juru Slamet Donya), sing digandhèngaké karo pujangga utama Leonardo da Vinci ing sakiwa-tengené taun 1500, sadurungé ditemokaké bali ing taun 2005. Nanging ana sawetara ngèlmuwan liya sing maido prakara iki. Sawisé suwé dianggep ilang, lukisan iki dirèstorasi lan dipugar manèh. Sawisé iku banjur dipamèraké ing taun 2011. Lukisan iki nuduhaké Gusti Yèsus sing ngagem ageman Jaman Abad Tengahan, nalika maringi pasetujon mawa driji asta tengené sing diangkat karo drijiné disilang karo ngasta bal kristal ing asta kiwané.

Lukisan iki didol ing sawijining lélang ing balé lélang Christie ing Kutha New York tanggal 15 Novèmber 2017. Lukisan iki bisa payu AS$450,3 yuta, lan iki mecahaké rékor anyar kanggo lukisan sing larang dhéwé.