Sépak tékong

Saka Wikipédia Jawa, bauwarna mardika basa Jawa
(Kaelih saka Sépak Tékong)
     

Sépak Tékong iku jinisé dolanan bocah kang migunakaké krèwèng utawa pecahan gendhèng kanggo piranti mligi. Jenisé dolanan iki ora béda karo jèthungan utawa jumpritan. Saliyané Sépak Tékong, dolanan iki uga diarani Sin Pal

Carané dolanan[besut | besut sumber]

  1. Bocah kang mèlu dolanan nyiapke krèwèng siji-siji minangka gacu.
  2. Sabanjuré krèwèng ditumpuk dadi siji ana ing sawijining panggonan kang wis ditemtokaké.
  3. Giliran kang dadi diundhi nganggo pingsut utawa hompimpah.
  4. Sawisé ana salah siji kang dadi, kang dadi banjur nutup mripaté ana ing sacedaké tumpukan krèwèng.
  5. Kanca-kancane kang ora dadi padha dhelik.
  6. Bocah kang dadi, tugasé goleki kancane kang dhelik, nanging uga jaga aja nganti tumpukan krèwèng disampar/disandhung karo bocah kang padha dhelik.
  7. Saben bocah dhelik kang katon karan jenengé terus muni sin banjur gedrugaké sikilé ana ing sacedaké tumpukan krèwèng karo muni pal. (contoné: Bocah kang katon jenenge Bagus. Mula bocah kang, dadi muni Bagus sin banjur lumayu marani tumpukan krèwèng karo gedrugaké sikilé ana ing sacedaké kréwéng karo muni pal). Amarga muni sin karo pal, dolanan iki uga diarani sin pal.
  8. Bocah kang dhelik kudu ketemu kabèh. Yèn durung ketemu kabèh ana bocah dhelik bisa nyampar/nyandhung krèwèng mula bocah kang wis ketemu bisa mèlu dhelik manèh.