Robert H. Goddard

Saka Wikipédia Jawa, bauwarna bébas abasa Jawa
Robert H. Goddard

Robert H. Goddard ya iku penemu Roket.[1] Roket ya iku mantor mabur kang bisa mluncur kanthi cepet.[1] Jeneng dawane ya iku Robert Hutching Goddart.[1] Dheweke lair tanggal 5 Oktober 1882 ing Worcester, Amerika Serikat.[1] Bapake ya iku karyawan pembukuan, salesman, lan pengusaha cilik.[1] Nalika ana ing SD lan SMP, dheweke seneng karo samubarang kang ana gandeng cenenge karo antariksa nalika maca buku Perang Antar Dunia kang ditulis déning HG Wells.[1]

Ing buku iku dicritakake ngenani makluk luwar angkasa kang nyerang bumi.[2] Dheweke mbayangake planet Mars ya iku panggonan makluk luar angkasa kang padha nglumpuk.[2] Nalika cilik, dheweke uga kepiningin bisa ana ing planet Mars nganti dheweke munggah ana ing wit nanging kabèh mau wis mesthi gagal.[2] Pungkasane dheweke yakin manawa Gusti Kang Akarya Jagat nyiptakake dheweke supaya bisa gawé roket kang bisa ngiberake dheweke ing angkasa.[2] Buku mau bisa menehi inspirasi kanggo nyiptakake piranti kang bisa njajahi angkasa raya kanthi nggunakake sawijining montor mabur canggih kanga aman lan cepet.[2] Sawise diwasa, dheweke nyambut gawé dadi guru.[2] Wiwit iku, dheweke mulai nganakake panaliten kanggo gawé roket.[2] Goddart tinggal donya nalika tanggal 10 Agustus 1945.[2]

Cathetan suku[besut | besut sumber]

  1. ^ a b c d e f (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 221]
  2. ^ a b c d e f g h (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 222]