Roald Dahl
| Roald Dahl | |
|---|---|
 | |
| Lair | Agustus 13, 1916 Llandaff, Wales |
| Pati | Novèmber 23, 1990 (umur 74) Oxford, Inggris |
| Bangsa | Inggris |
| Pakaryan | Penulis, aktor, screenwriter |
| Taun aktif | 1942-1989 |
Roald Dahl inggih punika penulis carita laré alit ingkang misuwur saking Inggris. Sampun kathah buku-bukunipun ingkang misuwur lan dipunterjemahaken wonten ing kathah basa.
Kauripan Pribadi
[besut | besut sumber]Roald Dahl punika lair ing South Wales taun 1916. Panjenenganipun gadhah sedhèrèk sekawan anama Astri, Alfhild, Else lan Asta. Bapakipun Roald Dahl namanipun Harald Dahl.
Sasampunipun Roald Dahl diwasa, ing 2 Juli 1953, panjenenganipun krama kaliyan Patricia Neal, salah satunggalipun aktris Hollyood wonten ing jamanipun. Roald kaliyan Patricia patutan cacah gangsal. Putra-putranipun anama Olivia, Tessa, Theo, Ophelia lan Lucy.[1] Nanging, anggènipun Roald Dahl lan Patricia Neal dados manten namung 30 taun amargi ing 17 November 1983 panjenenganipun sami cerai. Sasampunipun cerai, panjenenganipun krama malih kaliyan Felicity "Liccy" Crosland ing taun ingkang sami kaliyan taun cerainipun, inggih punika taun 1983.[2]
Wiwitan Makarya
[besut | besut sumber]Caritanipun Roald Dahl ingkang kaping satunggal dipunterbitaken inggih punika pengalamanipun panjenenganipun piyambak nalika Dahl taksih dados juru anggegana ing RAF, ingkang dipunparingi irah-irahan Shot Down Over Libya. Carita punika dipunterbitaken déning Saturday Evening Post.[3] Ingkang marakaken Roald Dahl nyerat carita punika inggih punika salah satunggaling penulis anama C. S. Forester.[3][4] Miturut Roald Dahl, panjenenganipun éntuk upah nyerat carita punika $ 1,000 saking Saturday Evening Post.[4]
Wiwitanipun Roald Dahl dados penulis carita laré alit punika amargi panjenenganipun asring ndamel carita kanggé putra-putranipun ingkang cacah gangsal. Carita wau mangké dipuncritani dhateng putra-putranipun sadèrèngipun putra-putranipun tilem.[1]
Caritanipun Roald Dahl ingkang pisanan dipuntérbitaken lan dados karya ingkang ndamel namanipun misuwur inggih punika James and The Giant Peach utawi basa Jawinipun "James lan Persik Raseksa".[1] Buku punika dipunterbitaken ing taun 1961.
Bibliografi
[besut | besut sumber]Novèl Lare
[besut | besut sumber]- The Gremlins
- James and the Giant Peach
- Charlie and the Chocolate Factory
- The Magic Finger
- Fantastic Mr. Fox
- Charlie and the Great Glass Elevator
- Danny the Champion of the World
- The Enormous Crocodile
- Matilda
Novèl Diwasa
[besut | besut sumber]- Someone Like You
- Kiss Kiss
- Switch Bitch
Rujukan
[besut | besut sumber]- ↑ a b c roalddahl.com
- ↑ about.com : Roald Dahl and Patricia Neal Marriage Profile
- ↑ a b Jeff Nilsson, Plane Crashes, the Libyan Desert, and Children's Literature
- ↑ a b Roald Dahl, Writer, 74, Is Dead; Best Sellers Enchanted Children