Réferèndum ngenani Britania olèhé dadi anggota Uni Éropah (2016)

Saka Wikipédia Jawa, bauwarna bébas abasa Jawa
Kasil réferèndum ing Britania miturut konstituènsi utawa distrik pamilihan. Biru tegesé metu saka UE, kuning tegesé tetep ing UE.

Réferèndum ngenani Britania olèhé dadi anggota Uni Éropah iku kalaksanan ing tanggal 23 Juni 2016. Réferèndum iki perkara Britania prelu ora metu saka Uni Éropah. Perkara iki uga diarani Brexit.

Perdana Menteri David Cameron lan kabinèté saka Parté Konservatif sadhurungé réferèndum wis celathu menawa kasilé bakal digubris. Para pamilih ing Inggris lan Wales padha milih metu (leave), kamangka para pamilih ing Sekotlan lan Irlandia Lor padha milih panggah mèlu (remain).

Cacahé rakyat Britania sing ndarbèni hak pilih ana 46,5 yuta jiwa. Sing mèlu pamilihan ana 72,2%. Kanggo metu saka Uni Éropah 51,9% wong milih lan sing péngin panggah mèlu UE cacahé ana 48,1%.[1]

Kasil réfèrendum iki ora wajib dilakoni, nanging wong ngira menawa Britania bakal metu. Sing bisa nemtokaké metu utawa ora namung Parlemèn Britania.[2]

Menawa Parlemèn Britania mutusaké arep metu, prosès pasal 50 saka Undang-Undang Uni Éropah kudu dilakoni lan pamaréntah Britania kudu ngajokaké karepé péngin metu marang Uni Éropah sacara resmi.

Réferènsi[besut | besut sumber]