Prajanjèn Internasional

Saka Wikipédia Jawa, bauwarna mardika basa Jawa
Jump to navigation Jump to search

Perjanjèn Internasional, pangertosan perjanjèn internasional iku manéka warna kaya hukum, poltik, lan ngèlmu ngèlmu sosial liyané.

Tegesé Perjanjèn Internasional[besut | besut sumber]

  • Miturut Prof Dr. Mochtar Kusumaatmadja, S.H., L.L.M.

Perjanjèn internasional ya iku perjanjèn sing diadani antarbangsa sing duwé ancas kanggo nyiptaké akibat-akibat hukum tartamtu.

  • Oppenheimer-Lauterpacht

Perjanjèn internasional ya iku salah sawijining paserujukan antarnagara sing nuwuhaké hak lan kewajiban ing antarané pihak-pihak sing nganakaké.

  • G. Schwarzenberger

Perjanjèn internasional ya iku salah sawijining paserujukan antarané subjek-subjek hukum internasional sing nuwuhaké kewajiban-kewajiban sing nalèni ing sajeroning hukum inernasional. Perjanjèn internasional bisa wujud bilateral lan multirateral. Subjek-subjek hukumé ya iku kajaba lembaga-lembaga internasional, uga nagara-nagara.

  • Konferensi Wina taun 1969

Perjanjèn internasional ya iku perjanjèn kang diadani déning 2 nagara utawa luwih, kang ancasé kanggo nganakaké akibat-akibat hukum tartamtu.[1]

Jinisé Perjanjèn Internasional[besut | besut sumber]

1. Perjanjèn Bilateral

Perjanjèn iki sipate mligi treaty contract mung ngatur urusan 2 nagara. Mula perjanjèn bilateral sipaté uga katutup, tegesé katutup kanggo nagara liya kang bisa mèlu urusan negar kaloro.

Tuladhané:

  • Perjanjèn antarané Républik Indonésia karo Cina ing taun 1955 ngéngingi ngrampungké dwikewarganagaraan.
  • Perjanjèn antarané Indonesia karo Muangthai ngéngingi "Garis Wates Laut Andaman" ing sisih lor Selat Malaka ing taun 1971.
  • Perjanjèn "ekstradisi" antarané Républik Indonésia lan Malaysia ing taun 1974.
  • Perjanjèn antarané Républik Indonésia lan Australia ngéngingi pertahanan lan keamanan wewengkon nagara kaloro ing tanggal 16 Désèmber 1995.[1]

2.Perjanjèn Multirateral

Perjanjèn iki asring karan law making treaties amarga racaké ngatur prakara-prakara sing nyangkut kepentingan umum lan asipat kabuka. Perjanjèn multirateral ora mung ngatur kepentingan nagara-nagara sing nganakaké, uga kepentingan nagara liya sing mélu (ora peserta)ing sajeroning perjanjèn multirateral mau.[1]

Tuladhané:

  • Konvensi Jenewa, taun 1949 ngengingi "Perlindungan Kurban Perang"
  • Konvensi Wina, taun 1961 ngengingi "Hubungan Diplomatik"
  • Konvensi Hukum Laut Internasional taun 1982 ngengingi "Laut Teritorial, Zona Bersebelahan, Zona Ékonomi Eksklusif, lan Landas Bawana".

Batalé Perjanjèn Internasional[besut | besut sumber]

  • Ana sing nglanggar.
  • Ana sing ora jujur.
  • Ana pihak sing dirugèkaké.
  • Ana sing ngancam saka pihak sijiné.[2]

Entèké Perjanjèn Internasional[besut | besut sumber]

  • Ilangé salah sijiné pihak.
  • Entèké wanciné perjanèn.
  • Salah sawijiné pihak péngèn ngebari lan disarujuki déning pihak kaloro.
  • Anané ancaman lan dirugékaké déning pihak sijiné.[2]


Cathetan sikil[besut | besut sumber]

  1. a b c Budiyanto, Pendidikan Kewarganagaraan untuk SMA Kelas XI, 2007, Erlangga, kaca 105. Perjanjian Internasional
  2. a b Internasional.htm(dipunundhuh tanggal 04 November 2012)