Présuposisi

Présuposisi ya iku prakiranan utawa prasangkan ananging luwih dimangerténi minangka praanggepan. Kang dimaksud praangepan ya iku anggepan dhasar ngenani konteks lan kahanan basa kang ndadekaké basa luwih duwéni makna kanggo pamicara utawa pamireng.

Tuladha ing pacelathon padinan

Présuposisi kadhang kala ana ing pacelathon mawa wong sing wis ditepungi sadurungé, kaya déné:

Jaka : “Pitik katéku wis payu menèh.”

Bagus : “Regané padha kaya wingi?”

Ing pacelathon iku, Jaka ora perlu ngandhani minangka dhèwèké duwé pitik katé. Amarga Jaka nganggep minangka Bagus wis mangerténi perkara kang dimaksudaké. Wangsulané Bagus uga nyirataké dhèwèké wis mangerteni Jaka duwé pitik katé, dadi Bagus ora perlu takon manéh “apa kowé duwé pitik katé?”