Pokem
_Beauv._JdP.jpg)
Pokem yaiku salah sawijining jinis panganan kang biasa dipangan déning wong Numfor wiwit jaman kolonial Walanda. Panganan iki bisa digunakaké kanggo nggantèni bahan pangan pokok liya kaya ta téla, téla kaspa, tales, kacang ijo, sagu, aibon (wohing wit mangrove utawa bakau), saha beras. Biasané pokem dioleh dadi bubur kang dipangan déning wong meteng kanggo tambahan gizi amarga gizi kang ana ing pokem luwih dhuwur tinimbang gizi kang ana ing gandum.[1] Masarakat etnis Biak kang manggon ing Pulo Numfor duwéni keyakinan yèn pokem asalé saka panganan kaleng kanggo para prajurit Walanda kang dibuwang ing samburiné pawon. Masarakat banjur nandur pokem kang sadurugé durung tau ana ing Pulo Numfor.
Pérangan-pérangan kang ana ing wit pokem duwéni jeneng dhéwé kanggo wong Numfor, yaiku gagang kang diarani kor, wuli diarani mor, lan isining wuli kang diarani kraf. Pokem kang bisa diolah yaiku pokem kang wis kapisah antarane gagang lan wuliné. Olahan panganan saka pokem awujud bubur, lan manéka roti. Ananging masarakat ing Kampung Baruki lan Yenburwo arang ngolah pokem dadi bahan panganan pokok amerga cara ngolahé kang suwé. Yèn arep digawé bubur, wiji pokem cukup dimasak kaya déné masak sega, menawa digawé glepung wiji pokem kudu diresiki lan digiling.[2]
Rujukan
[besut | besut sumber]- ↑ Malik, Afrizal. "Pokem (Setaria Italica L) Sumber Pangan Alternatif di Masa Datang" (PDF). Diarsip saka sing asli (PDF) ing 2022-09-14. Dibukak ing 2020-07-11.
- ↑ Katalog Warisan Budaya Takbenda Indonesia 2018 Buku Dua. Jakarta: Direktorat Warisan dan Diplomasi Budaya Kementrian Pendidikan dan Kebudayaan. 2018. kc. 146.