Plunketts Creek (anak kali Loyalsock Creek)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Plunketts Creek arah munggah, saloring sungapan ing Plunketts Creek Township

Plunketts Creek iku sawijining anak kali Loyalsock Creek ing Lycoming lan Sullivan ing Pennsylvania. Anak kali dawané sakiwatengené 10 km. Kali cilik iki mili ngliwati rong désa sing ora mlebu kabupatèn apa-apa, lan sawijining dhusun. Tlatah pangalirané sawetara 61 km2. Kali cilik iki dadi bagéan saka Teluk Chesapeake.

Jeneng kali cilik dijupuk saka pamilik kapisan tanah sakiwatengené sumber kali iki, yaiku Kolonèl William Plunkett sing mimpin èkspèdisi Pennsylvania ing Perang Pennamite-Yankee sing ngusir para kolonis saka Connecticut sing ngeklaim lemah sing uga padha diklaim déning Pennsylvania. Kanggo yasa-yasané, Plunkett diparingi tanah sing uga nyakup sumbering Kali Plunkett. Kali cilik iki mili menyang arah kidul-kulon lan banjur menyang kidul ngliwati reratan dhuwur Allegheny, ngliwati watu saka sub-période Mississippian lan période Devon. Akèh lebaking Kali Plunkett iku kasusun saka déposit galsial, kerepé alluvium. Dimangertèni mbokmenawa ana sumber gas alami, Marcellus Shale, sing dunungé 2,5 nganti 3,2 km sangisoring lemah. Senadyan tlatah pamilèn kali iki resik binabad lan dadi papaning akèh pabrik pangolahan kulit, pangrajèn kayu, lan tambang watu wa ing abad ping sangalas, saiki iki wis akèh grumbul lan wit-witané lan sugih ing banyu resik sing bisa diombé.