Palinggih

Saka Wikipédia Jawa, bauwarna mardika basa Jawa
(Kaelih saka Petahana)
Jump to navigation Jump to search

Ing jagat pulitik, palinggih (cara Inggris: incumbent), iku wong kang pinuju manggoni siji kalungguhan pulitik. Panganggoné tembung iki sok gegayutan karo pilihan umum kang caloné iku ana kang lagi kadhapuk (linggih) ing kalungguhan pulitik. Tuladhané, ing Pilihan Umum Présidhèn Indonésia 2009, salah siji calon présidhèné iku Susilo Bambang Yudhoyono kang minangka palinggih amarga pinuju linggih présidhèn. Ing saingan kursi-binuka (palinggih ora nyalonaké awaké dhéwé), tembung "palinggih" iku kanggo ngarani calon saka parté kang lagi kuwasa.

Ètimologi[besut | besut sumber]

Tembung "palinggih" asal saka tembung Jawa Kuna "apaliṅgih" utawa "mapaliṅgih" kang tegesé 'manggoni singasana'. Ing telung sumber kang ngemu tembung mau, ya iku Nāgarakṛtāgama, Tantri (Kaḍiri), lan Waseᶇ Sari, tembungé mesthi muncul sawisé tembung "saṅ" ('sang'). Old Javanese-English Dictionary (OJED) madhakaké tembung "apaliṅgih" karo tembung Inggris "incumbent".[1]

Réferènsi[besut | besut sumber]

  1. ^ Zoetmulder, P. J.; Robson, S. O. (1982). Old Javanese-English Dictionary. 's-Gravenhage: M. Nijhoff. ISBN 9024761786. OCLC 9549679.