Perpustakaan Umum New York

Saka Wikipédia Jawa, bauwarna mardika basa Jawa
Perpustakaan Umum New York
New York Public Library May 2011.JPG
Gedhung utama Perpustakaan Umum New York ing Bryant Park, Manhattan
Diadegaké1895
LokasiNew York
Cabang92[1]
Kolèksi
Cacahé kolèksi55 yuta buku lan kolèksi liyané[2]
Aksès lan panggunaan
Pelayanan3.5 million (Bronx, Manhattan, Alan Pulo Staten)
Informasi liya
DanaUS$302208000 (2017)[3]
Endowment: $1,448,838,000[3]
DhirèkturAnthony Marx, President and CEO
William P. Kelly, Andrew W. Mellon Dhirèktur perpustakaan panelitian[4]
Staf3,150
Lamanwww.nypl.org
Map

Perpustakaan Umum New York (New York Public Library, NYPL) ya iku salah siji saka telu perpustakaan umum kang ana ing kutha New York, Amérika Sarékat. Perpustakaan Umum New York kalebu perpustakaan kang paling gedhé nomer loro ing tlatah Amérika Sarékat lan kalebu perpustakaan paling gedhé kapapat ing donya. Perpustakaan New York kalebu perpustakaan nirlaba nonpamaréntah kang ditindakaké sacara indepènden lan mlaku kanthi dibiayai déning swasta lan publik.[5]

Sajarah[besut | besut sumber]

Perpustakaan Umum New York ora diadegaké manut Undang-Undang pamaréntah. Perpustakaan diadegaké liwat prajanjén antarané pamaréntah lan swasta. Perpustakaan iki ngadeg amarga New York dadi salah sijining kutha kang paling penting ing donya. Salah sijiné bisa didelok saka cacahé pendhudhuk New York kang luwih akèh saka Prancis lan London. Ing wektu kuwi uga ana ramalan yèn New York bisa dadi kutha paling gedhé ing donya lan kudu duwé perpustakaan paling apik.[6]

Ing Fèbruari 1902, perpustakaan ngadegaké departemen sirkulasi bebarengan karo The New York Free Circulating Library. Wulan Maret 1902, Andrew Carniege duwé usul lan tawaran supaya bisa bangu perpustakaan ing saindenging kutha New York.[6] Ing taun 1902, Perpustakaan Umum New York uga duwé kontrak marang kutha New York kanggo nglakokaké 39 cabang Carnegie ing Bronx, Manhattan lan Pulo Staten.[6]

Layanan kolèksi[besut | besut sumber]

Perpustakaan nyediani laman supaya padha bisa aksès katalog ing perpustakaan, kolèksi online, lan data langganan. Ing laman kuwi mau uga bisa delok informasi bab adhicara perpustakaan gratis, paméran, kelas komputer, lan kelas basa Inggris kang dianakaké ing Perpustakaan Umum New York. Ing situs perpustakaan uga nyediyani layanan katalog online, ya iku LEO lan CATNYP kanggo golèk kolèksi panelitian. Ing katalog kuwi mau para naraguna uga bisa golèk buku, jurnal, lan materi-materi liya ing perpustakaan.[7] Perpustakaan uga duwé layanan kanggo para anggota perpustakaan supaya bisa aksès jurnal, majalah, koran, lan buku-buku rujukan sajarah. Kabèh kuwi mau gratis kanggo wong kang wis dadi anggota perpustakaan lan layanan kuwi mau bisa dibuka saka omah utawa online.[8] Situs perpustakaan uga nyediyani 700.000 gambar kang wis didigitalisasi saka kolèksi-kolèksi perpustakaan. Kolèksi digitalisasi kuwi mau dadi salah sijining saka 50 situs web paling apik miturut Majalah Time taun 2005.[9]

Rujukan[besut | besut sumber]

  1. About The New York Public Library
  2. "New York Public Library General Fact Sheet" (PDF). Nypl.org. Dibukak ing November 24, 2012.
  3. a b "New York Public Library Annual Report 2017" (PDF). Nypl.org. Dibukak ing September 19, 2018.
  4. "President and Leadership". Nypl.org. Dibukak ing December 29, 2016.
  5. "CTO Takes the New York Public Library Digital". www.cioinsight.com (ing basa Inggris). Dibukak ing 2021-04-26.
  6. a b c "History of The New York Public Library". The New York Public Library. Dibukak ing 2021-04-27.
  7. "Shared Collection Catalog | NYPL". Shared Collection Catalog | NYPL (ing basa Inggris). Dibukak ing 2021-04-27.
  8. "New York Public Library". www.nypl.org. Dibukak ing 2021-04-27.
  9. "Archives & Museum Informatics: Museums and the Web 2006 : Best of the Web: Categories: Research". www.archimuse.com. Dibukak ing 2021-04-27.