Pasisir Timang
Pasisir Timang ya iku pasisir kang ana ing Padhukuhan Dhanggolo, Désa Purwadadi, Tepus, Gunungkidul[1][2] ing antarané Pasisir Siung lan Sundhak. Adohé saka Wanasari watara 35 km. Kanggo nuju tekan Pasisir Timang, saka parkiran kendharaan kudu lumaku ngliwati dalan watu kang munggah mudhun. Durung akèh pelancong kang dolan menyang Pasisir Timang. Pasisir Timang sisih wétan duwé pasir putih lan akèh tetuwuhan pandhan sagara ing sakiwa tengené lan sesawangan kang isih alami. Déné sisih kulon akèh watu-watu karang. Pasisir Timang uga duwé pulo cilik kang diarani Batu Panjang, Pulo Panjang lan Pulo Timang. Adohé watara 100 mèter saka pasisir. Kanggo nyebrang nuju ing pulo iki, kagunakaké gondhola kang gumandhul 9-11 mèter ing sandhuwuré banyu sagara. Pulo Timang iki ngasilaké lobster.[3]
Rujukan
[besut | besut sumber]- ↑ "Wow… Ada 69 Pantai di Gunungkidul Jogja". Jogja Istimewa (ing basa Inggris Amérika Sarékat). 2014-12-24. Dibukak ing 2018-02-01.
- ↑ "Daftar 70 Wisata Pantai di Gunungkidul Yogyakarta". Diarsip saka sing asli ing 2021-01-20.
- ↑ "10 Spot Pantai Timang Gunung Kidul yang Lagi Hits Tahun 2017 - Eksotisjogja.com". Eksotisjogja.com (ing basa Indonesia). 2016-05-05. Diarsip saka sing asli ing 2020-09-22. Dibukak ing 2018-02-05.