Parlemèn Walanda

Saka Wikipédia Jawa, bauwarna mardika basa Jawa

Parlemèn Walanda iku déwan pawakilan praja utawa rakyat kang ana ing nagara Walanda. Ing basa Walanda, parlemèn iki resminé diarani Staten-Generaal van het Koninkrijk der Nederlanden. Parlemèn Walanda kawangun saka rong pérangan utawa diarani 'bilik' utawa 'kamar'. Kamar Kapindho utawa Tweede Kamer der Staten-Generaal utawa cekaké Tweede Kamer, iku anggotané cacahé ana 150 lan dipilih langsung déning para pamilih. Banjur Kamar Kapisan utawa Eerste Kamer der Staten-Generaal utawa cekaké Eerste Kamer, iku anggotané cacahé ana 75 lan dipilih déning anggota DPRD tingkat 1 utawa tingkat provinsi Walanda.

Tugas mligi Kamar Kapindho iki mriksa pamaréntah sarta nggawé lan nampa undhang-undhang kang wis digawé kabinèt. Banjur tugas mligi Kamar Kapisan iki ngabsahaké undhang-undhang.