Parembugan:Jawa Wétanan

Pasebaran

Sayektinipun dialèk Jawi Wétanan sajati menika sawétanipun Lèpèn Brantas, watesipun kitha Kertasana. Meursault2004^ngobrol 7 Sèptèmber 2016 08.49 (UTC)

Bokmenawi ing sujarahipun pancèn mekaten, Pak. Kula ngrujuk bukunipun Wedhawati boten kathah ingkang kapratèlakaken babagan tlatah dhialèk Jawa Wétanan, namung disebut tlatah iring lor ngancik Rembang, Pathi, lan Grobogan. Bokmenawi Pak Revo gadhah rujukan bab punika saé sanget dipuntambahaken, awit kula inggih nembé madosi rujukan ingkang sanès kanggé nglengkapi artikel punika. Cahyo Ramadhani ^rembugan 7 Sèptèmber 2016 09.38 (UTC)

Kula sampun nyobi maos bukunipun Wedhawati, nanging dèrèng kapanggih prekawis panyebaran dialèk punika. Gadhahan kula buku Profèsor Ras swargi (1982), Uhlenbeck lan Poerwadarminta. Lajeng ing artikel Basa Jawi kula sampun pérangaken. Meursault2004^ngobrol 7 Sèptèmber 2016 11.01 (UTC)

Wonten ing kaca 21-22, Pak. Cahyo Ramadhani ^rembugan 7 Sèptèmber 2016 11.06 (UTC)

Sampun kula waos. Piyambakipun namung ngandharaken menawi dialèk Jawi Wétanan wilayahipun sadayanipun provinsi Jawi Wétan saha sakiwa-tengenipun Blora. Nanging menika bènten kaliyan para panliti sanèsipun. Panliti sanèsipun inggih tiyang ngamanca. Meursault2004^ngobrol 7 Sèptèmber 2016 13.59 (UTC)

Lajeng menika namung dipunsinggung secara sambil lalu kémawon. Meursault2004^ngobrol 7 Sèptèmber 2016 14.52 (UTC)

Kadosipun klasifikasi wonten ing Wedhawati mundhut saking Describing Surabaya's Linguistic Ecology (Hoogervorst, 2008). Kula angsal punika saking sumber sékundhèr:

Hoogervorst (2008, inter alia) identifies four subgroups of dialects within the dialect of East Javanese based on lexical and grammatical distinctions: (i) Surabayan Javanese dialect, (ii) Northeast coast dialects, (iii) Malang-Pasuruan dialects, and (iv) Tapal Kuda (‘horseshoe’) dialects. In addition to these sub-groups within East Javanese, there are three identified isolects which have retained a number of archaic features: Tengger, Using, and Gresik (Hoogervorst 2008:13-17). Hoogervorst (2008:18) describes the Northeast coast dialects as forming “...a continuum between Surabayan and Central Javanese Pesisiran (Japara, Blora, Rembang, etc.) dialects.” This sub-group is spoken in the vicinity of Lamongan, Tuban and Bojonegoro.

Tense, aspect, and modal markers in Paciran Javanese déning Jozina Vander Klok, kaca 14

Cahyo Ramadhani ^rembugan 8 Sèptèmber 2016 01.01 (UTC)

Matur nuwun Mas. Publikasi ing inggil menika saking taun 2008 kamangka Wedhawati saking taun 2006. Ing inggil kaserat 'the Northeast coast dialects as forming ... a continuum between Surabayan and Central Javanese Pesisiran (Japara, Blora, Rembang, etc.)'. Dados Northeast coast dialects menika satunggaling kasinambungan dialèk saking Japara ngantos Bajanegara, nanging sanès Jawi Wétanan. Lajeng istilah dialects continuum saged dimangertèni sacara amba. Saking Anyer ngantos Banyuwagi ugi wonten kasinambungan dialèk. Meursault2004^ngobrol 8 Sèptèmber 2016 08.00 (UTC)

Oh inggih ding. Wedhawati 2006. Kadosipun dhialèk Pasisir Lor-Wétan punika panggah kalebet dhialèk Jawa Wétanan, Pak.

Subgroups of dialects within the dialect of East Javanese based on lexical and grammatical distinctions:

(i) Surabayan Javanese dialect,

(ii) Northeast coast dialects,

(iii) Malang-Pasuruan dialects, and

(iv) Tapal Kuda (‘horseshoe’) dialects.

Bokbilih ingkang perlu dipunkorèksi saking Wedhawati inggih punika pérangan ingkang mratélakaken bilih dhialèk Jawa Wétanan kalebet Rembang, Grobogan, Pathi, awit miturut Hoogervorst punika kalebet dhialèk Jawa Tengahan subdhialèk Pesisiran.

Cahyo Ramadhani ^rembugan 8 Sèptèmber 2016 08.16 (UTC)

Inggih menika pancèn mekaten. Lamongan, Tuban saha Bajanegara menika kalebet dialèk Wétanan miturut Hoogervorst. Ing babagan dialèktologi basa Jawi katingalipun dèrèng wonten konsènsus. Ngomong-ngomong Hoogervorst menika réncang kula lan malahan naté kopdharan kaliyan Wikimédiawan Indonésia. Wonten fotonipun. Meursault2004^ngobrol 8 Sèptèmber 2016 09.15 (UTC)

Wah, inggih ta Pak. Waaah! Naté dhateng Kantor Wikipédia, nggih Pak, Pak Hoogervorst punika?

Satemené badhé kula tambahi bab "Dhéfinisi" ingkang mratélakaken bab "Jawa Wétanan" niku saking pirang-pirang panliti, nanging sumberipun ing kula namung wonten Wedhawati lan dhésertasi ing inggil punika. Wonten buku-buku Jawa Wétanan babaran Dikbud taun 1980-an, nanging kok kathah kirangipun, kados ta dèrèng ngagem simbul fonètis. Describing Surabaya's Linguistic Ecology punika cocog kanggé artikel punika, awit paling énggal panlitènipun tinimbang sanèsipun. Cahyo Ramadhani ^rembugan 8 Sèptèmber 2016 13.00 (UTC)