Pangéran Puger

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Artikel iki ngenani kangmasé Prabu Hanyakrawati. Déné artikel bab Pangéran Puger ratu Kartasura, pirsani Pakubuwana I

Pangéran Puger, utawa Radèn Mas Kentol Kejuron, ya iku putra kaloro Panembahan Sénapati (ratu Mataram ke-1), lan sadulur kuwalon séjé ibu karo Prabu Hanyakrawati utawa Radèn Mas Jolang (ratu Mataram ke-2). Pangéran iki lair saka garwa selir anama Nyai Adisara. Nalika Radèn Rangga Samudra putra pembarepé Panembahan Sénapati séda (lair saka garwa pisanan anama Rara Semangkin), Pangéran Puger dadi anak kang tuwa dhéwé. Amerga iku, panjenengané ngrasa luwih pantes munggah singgasana Mataram katimbang adhi kuwaloné.

Ing taun 1602 Pangéran Puger ngraman marang Mataram, meski Prabu Hanyakrawati wis ngangkat panjenengané dadi Adipati Demak. Kadadéan perang sadulur antarané Demak lawan Mataram iku lumaku nganti taun 1605, lan Pangéran Puger kasil dikalahaké. Ing sawatara babad dicritakaké yèn panjenengané banjur dikirim menyang Kudus, sing mangsa iku wis kalebu sajeroning kakuwasaan Mataram, supaya nyantri ing kana nganti sédané.

Réferènsi[besut | besut sumber]