Omah adat Rembang

Omah Adat Rembang utawa Joglo Bocokan uga karan Joglo Rembang yaiku omah tradisional saka Rembang salah siji omahé tradisional sing nggambaraké campuran saka akulturasi budaya saka masyarakat ing Kabupaten Rembang.^[1] Conto wewangunan iki bisa ditemoni ing salah siji papan plesir Taman Mini Jawa Tengah Indah ing Semarang.^[2]

Sajarah

Omah adat Rembang utawa Joglo Bocokan biyene omah jinis iki ing temboke digawé saka gedheg ing basa Jawa sing tegesé anyaman pring kanggo wong kelas ngisor,déné kanggo golongan kelas tengah mandhuwur témbok Omah Joglo Bocokan digawé saka papan kayu jati.

Ciri khas

Omah adat Rembang nduweni titikan, antara liya :

Lawang Lempit

Omah adat Rembang nduweni Lawang Lempit ing basa Jawa sing tegesé lawang lempitan dumadi saka 4 godhong lawang,yaiku 2 godhong lawang ing sisih tengen lan 2godhong lawang maneh ing sisih kiwa, ing sisih tengen lan kiwa ana jendhela karo teralis kayu. Filsafat saka lawang lempitan sing amba lan jendhela yaiku lambang ramah lan nampa sapa wae sing teka.

Telampik

Omah adat Rembang nduweni pérangan sing karan telampik ing basa Jawa tegesé Ngarep. Ing bagéan telampik biasane ana kursi gedhe lan dawa kaya dipan utawa Bale. Dipan utawa Bale digunakake minangka panggonan ngaso lan omong-omongan karo anggota kulawarga utawa tamu sing teka.

Rujukan

↑ "Rumah Adat Rembang Sangat Kental Nuansa Jawa Timuran". www.koranmuria.com (ing basa Inggris Amérika Sarékat). Dibukak ing 2018-02-07.^{[pranala mati permanèn]}
↑ "Puri Maerokoco Semarang, Taman Mini Jawa Tengah | Seputar Semarang". Seputar Semarang (ing basa Inggris Amérika Sarékat). 2009-11-30. Dibukak ing 2018-02-07.

[1] "Rumah Adat Rembang Sangat Kental Nuansa Jawa Timuran". www.koranmuria.com (ing basa Inggris Amérika Sarékat). Dibukak ing 2018-02-07.^{[pranala mati permanèn]}

[2] "Puri Maerokoco Semarang, Taman Mini Jawa Tengah | Seputar Semarang". Seputar Semarang (ing basa Inggris Amérika Sarékat). 2009-11-30. Dibukak ing 2018-02-07.

[1]

[2]