Observatorium Bosscha
Observatorium Bosscha ya iku panggonan kanggo nerepong lintang tuwa dhéwé ing Indonésia. Observatorium Bosscha (biyèn jenengé Bosscha Sterrenwacht) dibangun déning Nederlandsch-Indische Sterrenkundige Vereeniging (NISV) utawa Perhimpunan Bintang Hindia Walanda. Observatorium Bosscha ana ing Lembang, Jawa Barat, kira-kira 15 km ning pérangan utara Kota Bandung karo koordinat géografis 107° 36' Bujur Timur lan 6° 49' Lintang Selatan. Panggonan iki ana ing dhuwuré lemah kang ambané nganti 6 hektare, lan ana ing 1310 m sakdhuwuré banyu laut utawa ning dhuwur nganti 630 m saka daratan dhuwur Bandung. Kode observatorium Persatuan Astronomi Internasional kanggo observatorium Bosscha ya iku 299. Taun 2004, Observatorium Bosscha dinyatakaké dadi Benda Cagar Budaya deneng Pamaréntah. Amarga iku anané Observatorium Bosscha dirumat deneng UU Nomor 2/1992 babagan Benda Cagar Budaya. Sawisé, taun 2008, Pamaréntah netapaké Observatorium Bosscha dadi salah sijiné Objek Vital nasional kang kudu diamanaké.[1]
Direktur/kepala
[besut | besut sumber]
Kang tau njabat dadi direktur ning Observatorium iki ya iku:
- 1923 - 1940: Dr. Joan Voûte
- 1940 - 1942: Dr. Aernout de Sitter
- 1942 - 1946: Prof. Dr. Masashi Miyaji
- 1946 - 1949: Prof. Dr. J. Hins
- 1949 - 1958: Prof. Dr. Gale Bruno van Albada
- 1958 - 1959: Prof. Dr. O. P. Hok dan Santoso Nitisastro (pejabat sementara)
- 1959 - 1968: Prof. Dr. The Pik Sin
- 1968 - 1999: Prof. Dr. Bambang Hidayat
- 1999 - 2004: Dr. Moedji Raharto
- 2004 - 2006: Dr. Dhani Herdiwijaya
- 2006 - 2010: Dr. Taufiq Hidayat
- 2010 - 2012: Dr. Hakim Luthfi Malasan
- 2012 - sekarang: Dr. Mahasena Putra
Masalah kang sok diadepi Observatorium Bosscha
[besut | besut sumber]Saiki, kondisi ning pinggiré Observatorium Bosscha dianggap ora layak kanggo papané pengamatan. Babagan iki diakibatké amarga anané perkembangan pemukiman ning laladan Lembang lan kawasan Bandung Utara kang wis akèh mula akèh laladan utawa kawasan kang biyené tuwuhan lan wana kang cilik-cilik dadi omah-omah, vila utawa laladan pertanian kang sipaté komersial gedhé-gedhean. Akibaté akèh intensitas cahya saka kawasan pamukiman anyar kang nyebabkaké tergangguné panalitèn utawa kagiyatan peneropongan kang kuduné mbutuhaké intensitas cahya lingkungan kang minimal. Observatorium kang tau diomong dadi observatorium siji-sijiné ing kawasan khatulistiwa iki terancam kanané.
Pranala njaba
[besut | besut sumber]Rujukan
[besut | besut sumber]- Sekilas Observatorium Bosscha ITB, Diterbitaké déning Observatorium Bosscha Institute Teknologi Bandung, 1996.
- ↑ "Archive copy". Diarsip saka sing asli ing 2012-08-27. Dibukak ing 2012-11-23.
{{cite web}}: CS1 maint: archived copy as title (link)