Nuget

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Nuget pitik

Nuget utawa nugget yaiku panganan saka iwak pithik digiling lan diwenehi glepung panir. Panganan iki digawé mawa digoreng lan nalika dicokot nyuwara kriuk-kriuk. Gegenep kanggo mangan bisa saos tomat utawa mayonais.

Cara nggawé[besut | besut sumber]

Piranti sing dicawisaké[besut | besut sumber]

Nuget[besut | besut sumber]

  • Iwak pitik sing wis digiling 300 gram
  • 1 wortel lan dirajang alus
  • Endhog 2
  • Bawang bombay 1 dirajang alus
  • 2 lonjor godhong brambang iris
  • Bawang 3 wiji
  • Glepung tapioka 3 sendhok pangan
  • Glepung gandum 5 sendhok pangan
  • Bubuk kaldhu pitik  1 sendhok tèh
  • Bubuk mrica ¾ sendhok tèh
  • Gula pasir ½ sendhok tèh
  • Uyah ¾ sendhok tèh

Kulit krispi[besut | besut sumber]

  • 2 endhog dikocok
  • Glepung serbaguna
  • Glepung panir
  • Lenga gorèng

Cara ngolah[besut | besut sumber]

  1. Campur kabèh bahan utama nuget ing tembor lan uleni nganti rata.
  2. Cepakaké loyang lan wènèhaké adhonan iku.
  3. Kukus kurang luwih 20 menit nganggo geni sedhengan.
  4. Menawa wis mateng banjur diangkat lan diadhemaké.
  5. Iris nuget dadi kothak-kothak.
  6. Cepakaké piranti kulit ing piring dhéwé-dhéwé banjur nuget siji mbaka siji didèlèh glepung serbaguna banjur kocokan endhog lan pungkasané ing glepung panir.
  7. Wènèhaké ing freezer kulkas paling sithik 30 menit supaya glepung panir iku kelèt. Nugget bisa uga disimpen kanggo cepakan sewayah-wayah butuh lawuh.
  8. Cepakaké lenga gorèng  lan ditunggu nganti panas.
  9. Gorèng nuget lan entèni nganti wernané kuning kasoklatan.
  10. Èntas nuget ing piring nalika isih panas.
  11. Nuget wis bisa dipangan lan bisa uga ditambah saos utawa lombok jemprit kanggo gegenep nalika mangan.

Deleng uga[besut | besut sumber]

Resèp masak nuget

Vidèyo masak nuget