Monumèn Pèrs
_(crop).jpg)
Monumèn Pèrs yaiku salah sawijining wewangunan wujud monumèn kang duwèni makna wigati tumraping kanggo para paraga pèrs ing Indonèsia. Ing jaman kawuri papan iki dadi papan lairé sawijining paguyuban utawa organisasi yaiku Persatuan Wartawan Indonèsia (PWI).[1]
Sujarah
[besut | besut sumber]Sujarah Monumèn Pèrs Surakarta kang diyasa taun 1918 diprakarsani déning KGPAA Mangkunagara VII, Pangéran Adipati Prangwedana. Gagasan diyasané Monumèn Pèrs yaiku kanggo sarana balé pakumpulan lan paséban. Senajan nembé diyasa ing taun 1918, nanging rancangan wimban gedhong Monumèn Pèrs wis kapasrahaké marang Mangkunegara VII kawit 1917. Wimban wewangunan Monumèn Pèrs digambar déning Mas Aboekasan Atmodirono, sawijining juru gambar saka Wanasaba.[2]
Ing taun 1956, pener sepulug taun sawisé madegé PWI, saperangan juru warta kondhang Indonèsia paring pamrayoga supaya ngedegaké sawijining yeyasan kang mayungi pèrs nasional. Yeyasan iki banjur diresmèkaké 22 Méi 1956. Jeneng Monumèn Pèrs Nasional katetapaké ing taun 1973. Jeneng Monumèn Pèrs Nasional kang jumedhul ing Palémbang nalika kongrès ing Tretes taun 1973, jeneng kang diowahi dadi Monumèn Pèrs Nasional yaiku saka urun rembugé PWI cabang Surakarta. Banjur lahan sarta gedhong Monumèn Pèrs disumbangaké marang pamaréntah taun 1977. Manut dhasaring SK Gubernur Jawa Tengah nomer HK. 128/1977 katitik tanggal 31 Dhésèmber 1977 atas lahan lan gedhong Societeit kasebut dipasrahké marang Panitia Pembangunan Monumèn Pèrs Nasional Departemèn Penerangan RI. Monumèn Pèrs Nasional diresmèkaké déning Presidhèn Soeharto lan binuka kanggo umum tanggal 9 Fèbruari 1978. Monumèn Pèrs Nasional kanthi ditapakasmani prasasti. Kawit 2005 tumeka saiki, Monumèn Pèrs Nasional dikemunah déning Kominfo RI.[3]
Rerenggan
[besut | besut sumber]
Rerenggan cacah papat patung awujud naga yeyasan salah sawijining seniman Sala, yaiku Hidyanto Kusrin kang ana sangarepé Monumen Pers rikala taun 1977. Rerenggan wujud patung naga uga kasebut Catur Manggala Kura kang ngemu pralambang kawicaksanan. Wedharan saka papat patung naga yaiku mralambangké kapisan: proklamasi Rèpublik Indonèsia ing taun 1945, kapindho Lairé Persatuan Wartawan Indonesia (PWI) ing taun 1946, katelu Tandha diresmèkaké Monumèn Pèrs Nasional ing taun 1978, kapapat Pasrah Gedhong Tambahan ing taun 1990.[4]
Visi lan Misi
[besut | besut sumber]Monumèn Pèrs duwé visi lan misi kang wis katetepaké déning pangemunah kang wis kasarikaké saka laman museum Kemendikbud. Visi lan misiné yaiku:
Visi
[besut | besut sumber]Mawujudé punjer pèrs nasional kang basisé teknologi lan Informasi
Misi
[besut | besut sumber]1. Ngrekam, nguri-uri bukti babar medhia lan barang-barang sujarah lingkup pers saka saindhenging Indonesia kawit sadurungé proklamasi kamardikan tumeka saiki.
2. Gethok tularaké dhokumèn dan koleksi pèrs, komunikasi, informasi kang ngemot sujarah marang bebrayan agung kanggo njurung pembangunan jiwa lan kapribadèn bangsa (Nation and Character Building).
3. Mujudaké papan kunjungan wisata ilmiah bidang pèrs lan dadi agèn diseminasi sarta minangka medhia literasi kanggo bebrayan.[5]
Rujukan
[besut | besut sumber]- ↑ Primasasti, Agnia (2022-09-06). "Ana Apa ing Monumen Pers?". Pamarentah Surakarta. Dibukak ing 2024-12-02.
- ↑ Arum Wibawana, Widhia (2013-02-07). "Sujarah Monumen Pers Nasional ing Sala". detik.com. Dibukak ing 2024-12-02.
- ↑ Kominfo, Admin. "Ngenani Monumen Pers". Kominfo. Dibukak ing 2024-12-04.
- ↑ Rachmawati, Rachmawati (2022-09-04). "Sujarah Monumen Pers Nasional Solo, Seksi Laire Radio Kapisan Pribumi lan Madeging PWI". Kompas.com. Dibukak ing 2024-12-02.
- ↑ Museum Kemdikbud, Admin. "Profil Monumen Pers Nasional". Museum Kemdikbud. Dibukak ing 2024-12-04.