Wadya Anggegana Radya

Royal Air Force (RAF) utawa Wadya Anggegana Radya Inggris iku wadya anggegana nggoné Kadhaton Inggris. Digawé wektu akhir Perang Donya Pratama ing 1 April 1918, RAF iku wadya anggegana sing paling tuwa ing donya. Babar olèh wijaya saka Central Powers ing 1918, RAF dadi wadya anggegana sing paling gedhé ing donya. Awit yasané, RAF ndhuwé rol sing etes ing sejarah militèr Inggris, mligine, ing Perang Donya Kapindho. Ing perang kuwi, RAF nglakoni adilaga sing paling kondhang ing sejarahé, ya iku Adilaga Britania.

Misi RAF ya iku mbiyantoni ngawujudaké panujuné Kamentrian Pertahanan Inggris (MoD), ya iku "nyediani kabisan sing dibutuhaké: njamin kaslametan lan pertahanan Inggris uga wewengkon sabrang, nglimputi mbrantas tèrorisme; mbiyantoni panujuné kawicaksanaan luar negri pamaréntah mligine ing mromosikaké kaslametan lan katentreman internasional." RAF ndunungaké ékrar misine kayata"... [nyediani] wadya anggegana sing cikat, luwes, lan cethus sing, saka wong ning wong, ora eneng tandingané lan wadya anggegana sing bisa nyediani daya ing dirgantara kanggo mbiyantoni Misi Pertahanan Inggris." Ékrar misi iku dibiyantoni dening paricèdhané RAF ing gandra dirgantara, kang mimpin strateginé. Gandra dirgantara ditetepake kanthi "kabisan kanggo mbudi daya saka dirgantara lan angkasa dinggo mengaruhi patraping wong utawa larah-larah".