Wadya Anggegana Radya

Saka Wikipédia Jawa, bauwarna mardika basa Jawa
Jump to navigation Jump to search

Royal Air Force (RAF) utawa Wadya Anggegana Radya Inggris iku wadya anggegana nggoné Kadhaton Inggris. Digawé wektu akir Perang Donya Pratama ing 1 April 1918,[1] RAF iku wadya anggegana sing tuwa dhéwé ing donya.[2] Babar olèh wijaya saka Central Powers ing 1918, RAF dadi wadya anggegana sing gedhé dhéwé ing donya.[3] Awit yasané, RAF duwé rol sing etes ing sajarah militèr Inggris, mligine, ing Perang Donya Kapindho. Ing perang kuwi, RAF nglakoni adilaga sing paling kondhang ing sajarahé, ya iku Adilaga Britania.[4]

Misi RAF ya iku mbiyantoni ngawujudaké panujuné Kamentrian Pertahanan Inggris (MoD), ya iku "nyediani kabisan sing dibutuhaké: njamin kaslametan lan pertahanan Inggris uga wewengkon sabrang, nglimputi mbrantas tèrorisme; mbiyantoni panujuné kawicaksanaan luar negri pamaréntah mligine ing mromosikaké kaslametan lan katentreman internasional."[5] RAF ndunungaké ékrar misine kaya ta"... [nyediani] wadya anggegana sing cikat, luwes, lan cethus sing, saka wong ning wong, ora eneng tandingané lan wadya anggegana sing bisa nyediani daya ing dirgantara kanggo mbiyantoni Misi Pertahanan Inggris."[6] Ékrar misi iku dibiyantoni déning paricèdhané RAF ing gandra dirgantara, kang mimpin strateginé. Gandra dirgantara dikukuhaké kanthi "kabisan kanggo mbudi daya saka dirgantara lan akasa dinggo mengaruhi patraping wong utawa larah-larah".

Rujukan[besut | besut sumber]

  1. ^ "RAF Timeline 1918–1929". Royal Air Force. 2011. Dijupuk 15 August 2012. 
  2. ^ "World War I". Royal Air Force. 2011. Dijupuk 15 August 2012. 
  3. ^ Air Power and Colonial Control: The Royal Air Force, 1919–1939 By David E. Omissi, Published 1 January 1990, Retrieved 1 February 2014.
  4. ^ BBC: Fact File : The RAF, retrieved 1 February 2014
  5. ^ "Frequently Asked Questions". Royal Air Force. 2011. Dijupuk 15 August 2012. 
  6. ^ "Role of the RAF". Royal Air Force. 2011. Dijupuk 15 August 2012.