Marselus Esbi

Marselus Esbi (lair ing Wae Rebo, 11 Maret 1983; umur 36 taun) yaiku wong kang nemuaké usaha kopi ing Pulau Flores. Marselus Esbi ugi isa diceluk Marsel iki mulanè nyambut gawé ing Pulau Bali.

Kopi Wae Rebo

Wae Rebo, Manggarai, Nusa Tenggara Timur.

Wae Rebo iku kampung halamanè Marsel. Wae Rebo ana ing pedalaman Kabupaten Manggarai, Nusa Tenggara Timur. Akhir-akhir iki akeh wong ngerti Wae Rebo amarga keadaan alam lan bentuk omah adatè. sakdurunge alam lan bentuk omah adatè terkenal, kopi seka daerah iki wis terkenal. Marsel iki salah sijinè pengurus wisata ing kana. awalè kopi mung didol ing pasar utawa warga sekitar. Nanging, Marsel nemuakè idè, yaiku ngedol kopinè ing rancah wisatawan. Semisal ana wisatawan teka, Marsel nyuguhi wisatawanè kopi khas Wae Rebo.

Kebon kopi ing Wae Rebo gedhene nganti 200 hektar. Ora dikelola dèwè, nanging 118 kaluarga. Marsel yakin yen kopi seka Wae Rebo iki nduwe kekhasan dhewe, amarga seka daerah eksotis lan sugih kearifan lokal.

Jenis kopi ing Wae Rebo iki ana loro, arabika lan robusta. Kabèh bahanè dikelola nganggo bahan organik. pupukè seka rumput kang uwes ditebas lan daun-daun kopi utawa seka daun-daun pohon.

Ing taun 2015 lan 2016 ana kerja sama seka petani kopi ing Wae Rebo lan pengusaha ing Jawa Barat, Adi, yaiku wong sing ngelola warung kopi ing Bandung. Adi tuku 16 ton ing taun 2015 lan 6 ton ing taun 2016. Ora mung Adi sing kerja sama karo para petani kopi ing Wae Rebo, nanging akeh produsen kopi sing teka kanggo tuku kopi Wae Rebo. Kabeh kui amarga ana kerja sama kaliyan Lembaga Swadaya Masyarakat.

Sakdurunge kopi-kopi Wae Rebo kui terkenal, Marsel karo anggota Infest, melu ndampingi para petani kopi kanggo ngelola kopi kanti bener. Amarga ora sithik petani kang ngelolanè ora bener. Buahè kudu dipanen yen wis mateng utawa warnanè wis abang, banjur dipèpè. Ing cerak kebon kopi, ugi dibangun 10 omah beling kanggo nggon kang dibutuhkè nggo mèpè kopi mau.

Wisata Kopi

Mulai taun 2014, para petani kopi ing Wae Rebo ugi dodolan kopi ing bentuk bubuk. Sakdurungè mung didol kopi ing bentuk biji. Kopi-kopi bubuk mau didol ing bobot 250 gram. Kopi luwak diregani Rp100.000, kopi robusta lan kopi arabika kabèh diregani Rp60.000. Kabeh kui dimerèki "Wae Rebo Coffee".

Marsel lan para pengurus LPB Wae Rebo nggawè paket wisata, dijenengi "Perjalanan Secangkir Kopi". Ing paket wisata iki, wisatawan dijak melu manem kopi kaliyan para petani kopi, kaya metik, nggiling, mèpè, nganti dadi segelas kopi sing wis siap diombe. Paket wisata iku ana yen wayah panen kopi, yaiku mulai Juni tekan September.